MTAA KWA MTAA

wasanii wajenga kijiji cha Mwanzega Kimbiji, Mkuranga

2012-02-12T15:47:00.000+03:00

Waandishi wa habari za michezo pamoja na wasanii, wakitembea kwa ajili ya kwenda kuangalia ujenzi unaoendelea wa nyumba zao, katika kijiji cha Mwanzega Kimbiji Tarafa ya Mkuranga Chingungweni Mkoa wa Pwani.kutoka kulia ni Tomm Chilala, Kibwana Dachi na Kikumbi Mwanza Mpango ' King Kiki'.

Mwenyekiti wa Mtandao wa Wasanii Tanzania (SHIWATA) Cassim Taalib akitoa maelezo ya nyumba zinazoendelea kujengwa katika kijiji cha Mwanzega Kimbiji Tarafa ya Mkuranga Chingungweni Mkoa wa Pwani.

Mwenyekiti wa Mtandao wa Wasanii Tanzania (SHIWATA) Cassim Taalib (kushoto) akiwa na wajumbe pamoja na viongozi wa mtandao huo walipokwenda kuangalia ujenzi unaoendelea wa nyumba zao, katika kijiji cha Mwanzega Kimbiji Tarafa ya Mkuranga Chingungweni Mkoa wa Pwani.

Ujenzi unaoendelea wa nyumba zao, katika kijiji cha Mwanzega Kimbiji Tarafa ya Mkuranga Chingungweni Mkoa wa Pwani

Mwenyekiti wa Mtandao wa Wasanii Tanzania (SHIWATA) Cassim Taalib (mwenye shati la draft) akimwelekeza Sheikh Majaliwa Selemani aliekwenda kuangalia maendeleo ya kijiji cha Mwanzega Mkulanga Tarafa ya Chingungweni, zinapojengwa nyuma kwa ajili ya wasanii Sheikh Majaliwa , alitoa Ahadi ya kujenga Msikiti na Madrasa itakayofadhiliwa na African Relief Comettee Kuwait.(picha na www.burudan.blogspot.com)

Sehemu ya mahojiano na mwenyekiti wa Chama cha Wananchi (CUF),Prof. Ibrahim Lipumba

2012-02-12T15:29:00.002+03:00

KWA MPANGO HUU,TUTAWEZA LIFANYA JIJI LETU KUWA SAFI??

2012-02-12T12:53:00.000+03:00

Ubebaji wa mizigo kwa guta na matumizi ya barabara za jijini dar

2012-02-12T12:43:00.000+03:00

Guta likiwa limesheheni mzigo wa mbao maeneo Tazara jijini Dar.

ZAIDI YA WANANCHI 5000 WANAKABILIWA NA NJAA MKOANI ARUSHA

2012-02-12T12:06:00.000+03:00

Na Mary Ayo,Arusha

WANANCHI zaidi ya 5000 kutoka kata za Nduruma ,Mlangarini na Moshono katika Wilaya ya Arumeru na Moshono manispaa ya Arusha wanakabiliwa na njaa kali kufuatia kitendo cha Jeshi la Wananchi kuwazuia kufanya shughuli zozote katika ardhi wanayodai kuimiliki toka mwaka 1930.

Katika Matangazo hayo wananchi hao hawaruhusiwi kulima ,kujenga nyumba na wala kuokota kitu chochote ndani ya maeneo hayo ambayo ni ya vijiji vilivyosajiliwa kisheria

Hali kadhalika wananchi hao wamedai kunyimwa kuzika maiti za jamaa zao katika eneo hilo huku wengine wakishindwa kukarabati nyumba zao kutokana na hofu ya kuadhibiwa na askari wanaofanya doria katika eneo hilo ili kuhakikisha kuwa maagizo yao yanafuatwa.

Wakizungumza na waandishi wa habari wananchi hao walisema kuwa wametoa vilio vyao kwa muda mrefu kwa viongozi ambao walihidi kulifuatilia haraka lakini hadi sasa hakuna kilichofanyika .

“Tumeonewa na kudhulumiwa kwa kiwango cha kutisha,serikali yetu imetutendea vibaya kwa kushindwa hata kusikia kilio chetu katika muda wote tuliyopiga kelele za kuomba msaada ,haiwezekani jambo linalohusu maisha ya watu wengi namana hii likapuuzwa kwa kiwango hiki kwa sasa tunaomba mahala pa kuzika ndugu zetu katika vijiji vya jirani”alisema George Mollel mwenyekiti wa Kitongoji cha Kiserian.

Alisema kuwa baadhi ya wazazi wameshindwa kupeleka watoto wao shule kutoakana na kukosa fedha za kulipam karo ya shule .

Kauli hiyo inaungwa mkono na Mzee wa Nyangusi Laanyuni ambaye alisema kuwa watoto wake wamelazimika kuacha masomo kutokana na njaa na hali kuwa ngumu.

“Mimi naiomba serikali iangalie kilio chetu, hawa watoto wasiposoma tutawapeleka wapi katika Dunia ya leo,wengi tumekosa karo.

Naye mmoja wa watu waliochaguliwa katika kamati ya kufuatilia sula hilo Moses Loningo Kivuyo alisema kuwa hali ni mbaya na kwa sasa kitakachofuatia ni wananchi kuchukua sheria mikononi mwao kwa kukaidi matangazo ya Jeshi na kungia katika mashamba yao na kufanya kazi za kilimo na uifugaji.

“Kwa hali ilivyo kwa sasa tunapa serikali siku thelathini itoe tamkoa kuhusu mgogoro huu ,Jeshi letu la wananachi tunalipenda na kuliheshimu ,tunajua wanaotuvuruga ni baadhi ya viongozi wa serikali na Jeshi ambao wana masilahi na eneo hili kwa kjuwa Barbra ya reli inapita na kuna mabaki ya kiwanda cha nyama cha Tanganyika Packers”alisema.

Alieleza kuwa jamii zao zimeshi katika eneo hilo kwa kipindi cha miaka zaidi ya zaidi ya temanini na kwamba jeshi lilifika katika maeneo hayo na kujenga ghala la kuhifadhi vifaa vyao katika eneo hilo katika miaka ya sabini.

“Ndugu mwandishi cha kushangaza zaidi ni kwamba vijiji vyetu vimesajiliwa na kuandikishwa kisheria sasa leo badala ya serikali kuwataka wanajeshi wakae mbali ana ardhi yao wanakubali nguzo za matangazo ya kutunyima kufanya lolote tutaishije kama wanaitaka hii ardhi si wafuate taratibu na kutupa haki zetu kwa mujibu wa sheria “alihoji Kivuyo.

Aidha Mollel alisema jambo la kusikitisha ni hatua ya halmashauri ya Arusha kufika katika maeneo yao kwa njia ya ulaghai na kufanya tathmini ya mali zao kwa njia ya hila.

Alisema kuwa hakuna kiongozi yeyote wa kijiji wala kitongoji aliyeshirikishwa katika zoezi hilo lililofanyika oktoba 2010.

Mwananchi mwingine Elias Ndakusa alisema kuwa watoto wake wameacha masomo kufuatia kushindwa kulipa karo ya shu le huku akisema lishe imekuwa ngumu kutokana na kuzuiwa kulima katika shamba lake.

“Mimi nimezaliwa hapa mwaka 1953 niliwakuta babu zangu wanajeshi walifika hapa mwaka 1975 kujenmga maghala ya silaha lakini eneo hili sii mali yao kuna wakubwa ambao wanhitaji hili eneo kutokana na umuhimu wake kiuchumi”alisema Ndakusa.

Mikael Meibaku alisema kuwa kwa sasa wamefika mwisho na kitakachofuata baad ya siku thelathini ni kuingia katika mashamba yao na kuanza kulima.

“Ni afadhali hawa wanajeshi watuue tufe kuliko mateso haya tunayopata kutokana na kuzuiwa kutumia ardhi yetu kupata kipato halali tuweze kuishi vizuri kama watanzania wengine”alisema Meibaku

Kwa upande wake Mkuu wa Mkoa wa Arusha Magesa Mulongo alikiri kufahamu mgogoro huo na kudai kwamba anawasiliana na uongozi wa serikali ili kutafuta ufumbuzi.

“Siwezi kueleza mambo mengi nina taarifa za madai ya wananchi hao kwani viongozi wao walifika ofisini kwangu na pia waliandika barua ya kulalamika lakini ufumbuzi wake utafikiwa tu siku sii nyingi madai yao siyo ya kupuuziwa hata kidogo”alisema Mulongo.

VODACOM KUWANUFAISHA ZAIDI WATEJA WA M-PESA

2012-02-12T09:46:00.000+03:00

Kampuni ya huduma za simu za mkononi inayoongoza nchini leo imetangaza kwa mpigo kwa wateja wake nchini jumla ya ofa 4 zitakazowafanya kuzidi kufaidika, kuwezeshwa na kufurahia zaidi huduma za Vodacom m-pesa.

Wateja wa m-pesa sasa wamepunguziwa gharama za kufanya miamala kupitia huduma hiyo ambapo sasa kila muamala utagharimu Shilingi 50 ikiwa ni punguzo la asilimia 75. Wakati huo huo Vodacom ikiongeza kiwango ambacho mteja anaweza kununua muda wa maongezi kupitia huduma hiyo ya m-pesa hadi asilimia 25 kutoka asilimia 10 ya sasa.

Katika taarifa yake kwa vyombo vya habari Mkurugenzi Mtendaji wa Vodacom Bw. Rene Meza amesema”Tunatambua ni kwa kiwango gani huduma ya m-pesa imekuwa ya umuhimu kwa maisha ya kila siku ya Watanzania, hivyo ni jambo la muhimu pia kwetu kuwapatia ofa zinazoakisi matumizi yao na kuyafanya kuwa rahisi na nafuu zaidi.” “Hii ndio dira yetu kwa mwaka huu na kuendelea” Alisema Bw. Meza.

Ofa nyengine iliyotangazwa na kampuni ya Vodacom Tanzania ni inayomwezesha mteja wa m-pesa sasa kuweza kutuma kiasi cha chini zaidi cha fedha cha shilingi 500 kupitia simu yake ya mkononi. Bw. Meza ameielezea ofa hii kuwa inalenga kuhakikisha kila Mtanzania bila kujali hali yake ya kiuchumi anafaidika na huduma bora,salama, ya uhakika na kuaminika ya m-pesa.

Aidha, pamoja na ofa hizo, kampuni ya Vodacom imezindua pia promotion ya m-pesa ambapo jumla ya Shilingi 480 Milioni zitashindaniwa na wateja kadri ambavyo wanavyotumia huduma ya m-pesa.

Katika promosheni hii wateja 100 watakuwa wakijishindia zawadi ya fedha taslimu za kitita cha Shilingi 50,000 kwa kila mshindi kupitia droo zitakazochezeshwa kila siku huku droo kuu ya kila mwezi kwa miezi mitatu ikitoa mshindi wa Shilingi 10 Milioni. Promosheni hiyo itadumu kwa siku tisini kuanzia Februari 13, mwaka huu.

“Dhamira yetu ni ya dhati kuhakikisha wateja wetu wanakuwa na furaha wakati wote na huku tukiwawezesha kadri wanayotumia huduma ya MPESA. Tutaendelea kuboresha mfumo wa m-pesa sambamba na huduma zinazopatikana katika MPESA ili izidi kuendana na mahitaji halisi ya maisha ya kila siku ya wateja.” Alisema Bw. Meza.

Kupitia huduma ya m-pesa mteja anaweza kufanya malipo kwa huduma mbalimbali za kijamii ikiwemo kununua umeme – LUKU, kulipia DAWASCO na DSTV. Aidha huduma ya m-pesa inaweza pia kutumika kulipia tiketi za usafiri wa ndani wa anga kwa mashirika ya ndege ikiwemo Precision Air na Coastal Air, kulipia ada za shule, kuweka na kutoa fedha katika akaunti ya benki ya CRDB na huduma nyengine nyingi.

Hakuna shaka huduma ya Vodacom m-pesa ndiyo huduma ya kibenki kupitia simu za mkononi inayoongoza nchini ikiwa na mtandao mpana wa mawakala zaidi ya 18,000 walionena nchi nzima mijini na vijijini na inayokua kwa kasi. Ubora na umashauri wa huduma hii unaifanya kampuni ya Vodacom kuzidi kung’ara na kuongoza soko la huduma za simu za mkononi nchini.

Whitney Houston, superstar of records, films, dies

2012-02-12T08:48:00.001+03:00

Whitney Houston was found dead today in a Beverly Hills hotel room.
Paramedics arriving at the Beverly Hilton found the singer's body.

While the cause of death is still unknown, Houston's publicist Kristen Foster has confirmed the sad news.

Houston had been scheduled to attend the annual pre-Grammy party of music mogul Clive Davis, who discovered her, tonight and had attended rehearsals for the event earlier this week. The party was still held.

CNN reports that the Grammy awards ceremony Sunday will include tributes to the singer, including one possible one by Jennifer Hudson. The Recording Academy released the following statement on Saturday evening:

Six-time GRAMMY(r) winner Whitney Houston was one of the world's greatest pop singers of all time who leaves behind a robust musical soundtrack spanning the past three decades. Her powerful voice graced many memorable and award-winning songs. A light has been dimmed in our music community today, and we extend our deepest condolences to her family, friends, fans and all who have been touched by her beautiful voice.

Houston, the daughter of gospel singer Cissy Houston and cousin of singer Dionne Warwick, was known for her string of hits in the Eighties and Nineties, including "The Greatest Love of All," "I Will Always Love You," "How Will I Know" and "I'm Every Woman." She also had an acting career, appearing in The Bodyguard and Waiting to Exhale.

In addition to her six Grammys, Houston also won two Emmys and 22 American Music Awards. Her rendition of the national anthem at the Super Bowl in 1991 is often considered the standard by which other versions are judged.

She was married to R&B singer Bobby Brown from 1992 to 2007, and the couple had one daughter, Bobbi Kristina Brown, born in 1993. The couple appeared in the reality TV series Being Bobby Brown in 2005.

In recent years, Houston was more known for her tumultuous personal life and struggles with addiction.

Reaction to her death began pouring in throughout media outlets, including Twitter.

Mariah Carey released the following statement:

Heartbroken and in tears over the shocking death of my friend, the incomparable Ms. Whitney Houston. My heartfelt condolences to Whitney's family and to all her millions of fans throughout the world. She will never be forgotten as one of the greatest voices to ever grace the earth.

“Whitney was family to me," Smokey Robinson told CNN. "I will always love her. She is one of the greatest voices in the history of music."

Read more:http://www.rollingstone.com/music/news/whitney-houston-has-died-20120211#ixzz1m8wZM8Xu

Uchambuzi Wa Habari: Madaktari Waangusha Mbuyu

2012-02-11T13:39:00.000+03:00

Ndugu zangu,

Ijumaa ya jana, tena asubuhi na mapema, nilisoma kichwa hicho cha habari kwenye gazeti la Mwananchi la mtandaoni . Kinavutia. Kinaacha tafsiri nyingi.

Habari hiyo ilitokana na mkutano Waziri Mkuu Mizengo Pinda na madaktari waliogoma. Mkutano ambao ulimalizika kwa kupatikana suluhu ya mgogoro, na hivyo basi, madaktari kumaliza mgomo wao.

Naam, ni heri hekima inayokuja kwa kuchelewa kuliko inayokosekana kabisa. Watanzania tunashukuru kwa Serikali na madaktari kutanguliza hekima na kufikia suluhu ya mgogoro.

Na hekima kubwa hapa ni kwa Serikali kutambua hekima za madaktari wetu kuwa hekima iliyohitajika ni kwa Serikali kuwasaidia madaktari katika kuuangusha mbuyu; Blandina Nyoni. Katika hilo tunawapongeza kwanza madaktari wetu kwa kuonyesha uzalendo mkubwa wa kuwa tayari kupambana hadi risasi ya mwisho na hatimaye kufanikiwa kuukata mbuyu ambao sasa ndio tunajua, kuwa ulikuwa mzizi wa mgogoro uliosababisha mgomo wa madakati na kuleta madhara makubwa.

Maana, ni heri kutibiwa na daktari aliyemaliza mgomo na kurudi kazini na moyo mkunjufu kuliko kutibiwa na daktari aliyelazimishwa kwa nguvu kurudi kazini huku akiwa bado na kinyongo.

Na Waziri Mkuu Pinda aliweka wazi sababu kuu tatu za Serikali kuwasimamisha kazi vigogo wawili wa Wizara ya afya Na Ustawi wa Jamii; Katibu Mkuu, Blandina Nyon na Mganga Mkuu wa Serikali, Dr. Mtasiwa.

Kwanza; ni kwa tuhuma za kuingiza nchini robo tatu ya vifaa bandia vya vipimo vya Ukimwi kutoka Korea Kusini.

Pili; tuhuma za kuanzisha kampuni ya kusambaza nguo kwa madaktari.

Tatu; kuiingiza kinyemela kampuni ya kufanya usafi ndani ya Hospitali ya Taifa ya Muhimbil.

Na Waziri Mkuu Pinda alisema mwenyewe, kuwa tuhuma hizo ni nzito zinazoidhalilisha Serikali na kamwe haitakuwa busara kuzifumbia macho huku Serikali ikiendelea kudhalilika. Pinda anasema;“Nimeamua kuwasimamisha kazi Katibu Mkuu na Mganga Mkuu wa Serikali, ili kuweza kupisha uchunguzi,maana hizi tuhuma zinafedhehesha taifa."

Aliongeza; “Kwa upande wa Waziri na Naibu Waziri wa Afya, nimeshapeleka ushauri kwa Rais kutokana na yeye kuwa mwenye dhamana, siwezi kuliongelea hili hapa ila yule aliyewateua, atafanya maamuzi, najua kitakachofuata mnakijua,” alisema Pinda huku madaktari wakilipuka kwa shangwe na kuimba nyimbo ya mshikamano.(Mwananchi, Februari 10, 2012)

Na hapa nachukua fursa hii kumpongeza kwa ujasiri wake wa kuyatamka aliyoyatamka, na pia nampa Waziri Mkuu wangu Mizengo Pinda nyongeza ya sababu za wahusika kuchukuliwa hatua kali zaidi.

- Wahusika wamesababisha madhara makubwa kwa jamii ikiwamo vifo vya wagonjwa vilivyotokana na mgomo ambao wao , kama wangewajibika ipasavyo, walikuwa na uwezo wa kuzuia usitokee.

-Wahusika wamewadhalilisha madaktari wetu na taaluma yao kwa ujumla.

- Wahusika kwa kuingiza nchini vifaa bandia ( feki) vya kupimia UKIMWI ni uhalifu mkubwa usiohitaji kuundiwa Tume bali kufunguliwa jarada la uchunguzi kwenye ofisi ya Upepelezi yenye kuhisika na uhalifu wa aina hiyo.

Matumaini yetu kwa siku chache zijazo?

Waziri mwenye dhamana na Naibu wake nao wakae pembeni maana tumewapa dhamana ya kuisimamia Wizara husika na wameshindwa kulisimamia hili la mgomo wa madaktari na hatimaye kutufikisha hapa tulipo. Wakikaa pembeni, kwa hiyari yao, au kwa kuombwa na Rais aliye na dhamana kuu, basi, watasaidia kurudisha imani yetu wananchi kwa Serikali. Watachangia pia kurudisha heshima ya Serikali na nchi.

Je, kwenye pori la mibuyu, yote imeangushwa?

Hapana, mibuyu iko mingi. Madaktari wetu wameangusha mbuyu mmoja tu. Na si kwa ’ shoka moja’. Mashoka yalikuwa mengi yakiwamo ya wanaharakati. Na jamii ikipiga sana kelele mibaya huanza kutingishika. Mibuyu haiangushwi bila kelele za wengi. Ni kama paka aliyeopoa kipande cha nyama chunguni. Ukimwandama sana atakitema. Na ikumbukwe, mibuyu porini inaanza kama mipapai.

Je, tunafanyaje basi kuitambua mibuyu inapokuwa katika hatua kama ya mipapai na hivyo tukaing’olea mbali?

Katiba, Katiba, Katiba…Ni kwenye Katiba Mpya inayokuja. Katiba iweke kipengelea kinachohakikisha , kuwa pale unapoonekana mbuyu, basi, kazi ya kuuangusha isihitaji mashoka mengi na hata kuchukua roho za watu. Inawezekana.

Maggid Mjengwa,

Iringa.

Februari 11, 2012

http://mjengwablog.com

Madaktari Bingwa wa Jeshi la Marekani Watoa Huduma ya Macho kwa Wananchi wa Zanzibar

2012-02-11T13:29:00.000+03:00

Mkuu wa Huduma za Tiba Jeshi la Wananchi Tanzania Meja Generali Adam Mwabulanga, akitowa maelezo ya mafanikio ya zoezi la kutoiwa huduma kwa Wananchi wenye matatizo ya Macho Zanzibar.

Meja Generali Devid Hogg, akizungumza na Mkuu wa Huduma za Tiba Jeshi, alipowasili katika Hospitali ya Bububu kuangalia maendeleo ya Zoezi la kuwafanyia uchunguzi wa Macho Wananchi mbalimbali waliofika hospitalinin hapo katika zoezi hilo.

Mkuu wa Hospitali ya Jeshi Bububu, akitowa Maelezo kwa Meja Generali wa Jeshi la Marekani ambae na Mkuu wa Utendaji wa Kivita na Mahusiano wa Afrika, David Hogg, katikati na kushoto Mkuu wa Huduma za Tiba Jeshi la Wananchi Tanzania Meja Generali Adam Mwabulanga, wakiwasili katika Hospitali ya Bububu kuangalia zoezi la kutowa huduma kwa Wananchi wenye matatizo ya Macho wa Zanzibar.

Mwananchi akifanyiwa kipimo kabla ya kufanyiwa upasuaji, katika zoezi hilo.linaloendelea katika Hospitali ya Bububu mpaka tarehe 17-2-2012

Wananchi wakifanyiwa uchunguzi wa kusoma herufi kwa kutumia miwani maalum,katika zoezi ya kufanyiwa uchunguzi wa macho kwa wananchi wa Zanzibar katika hospitali ya Bububu linalosimamiwa na Jeshi la Marekani kushirikiana na Madakatri wa Jeshi la Tanzania na Hospitali ya Mnazi Mmoja.

Madaktari Bingwa wa Jeshi la Marekani na Wazanzibar, wakiwafanyika Upasuaji baadhi ya Wananchi waliokutikana na matatizo ya macho katika zoezi hilo, linalosimamiwa na Madaktari wa Jeshi la Marekani.katika Hospitali ya Bububu.

Madaktari Bingwa wa Jeshi la Marekani wakimfanyia upasuaji mmoja wa Mwananchi aliefika kufanyiwa uchunguzi wa macho na kugundulikana ana matatizo na kufanyiwa upasuaji.kuondolewa mtoto wa jicho.

Kanali wa Jeshi la Marekani Dk. Carlton, akitowa maelezo jinsi ya mafanikio ya zoezi hilo kwa Wananchi wanaofika kupata huduma ya kufanyiwa uchunguzi wa macho.

Vijana wa tatu wakamakatwa na meno ya Tembo mjini morogoro

2012-02-11T13:13:00.002+03:00

Vijana waliomakatwa na meno ya Tembo waliokamatwa jana Mkoani Morogoro ambao walitambulikwa ka majina yao,Erick Kiari (kushoto) mwenye miaka 23, Abel Adrian (katikati) pia anamiaka 23 na Anaheri Mkindi ambaye umri wake ni miaka 17 wakiwa chini ya ulinzi katika kituo cha polisi mkoa wa Morogoro mara baada ya kukamatwa na meno ya tembo vipande 51 wakati wakisafiri kutoka mkoa wa Mbeya kwenda jijini Dar es Salaam kwa kutumia Gari yenye Namba DFP 3468 ambayo inadaiwa kuwa ilibandikwa tu na si Nambari zake za usajili na ilikuwa ni gari ya Mtu binafsi.Watuhumiwa hawa wanatarajiwa kupandishwa kizimbani kesho jumatatu ili kujibu mashtaka yao.

ONYESHO LA LADY IN RED 2012 @ Serena Horel Dar es Salaam

2012-02-11T10:57:00.000+03:00

Muwandaaji wa onyesho la mavazi la 'Lady in Red' Reloaded 2012 Asia Idarous Khamsin akiwa katika picha ya pamoja na mume wake Mzee Khamsin katika onyesho hilo lilinalofanyika usiku wa kiamkia leo kwenye hoteli ya Serena jijini Dar es salaam, Mapato yaliyopatikana kwenye onyesho hilo yatatumika kwa ajili ya kujenga kituo cha kuhudumia watu walioathirika na madawa ya Kulevya hapa nchini. kitakachojengwa huko Kikale, Rufiji mkoani Pwani

Mshehereshaji wa onyesho hilo akitoa ratiba ya onyesho hilo siku wa kuamkia leo katika hoteli ya Serena jijini Dar es salaam.Picha na Full Shangwe Blog

RAIS KIKWETE ASHIRIKI MAZISHI YA MWENYEKITI WA BARAZA LA WAZEE WA CCM MKOANI DODOMA LEO

2012-02-10T21:03:00.000+03:00

Rais Jakaya Mrisho Kikwete akiweka udongo kwenye kaburu la Mzee Omar Selemani ambaye alikuwa Mwenyekiti wa Baraza la Wazee wa CCM Mkoa wa Dodoma wakati wa mazishi yake yaliyofanyika leo mkoani Dodoma . Mzee Suleiman alifariki dunia hospitalini ya mkoa wa Dodoma jana tarehe 9 Februari, 2012 alikokuwa amelazwa kwa matibabu.

Rais Jakaya Mrisho Kikwete akiongoza waombolezaji wengine kwenye mazishi ya Mzee Omar Selemani ambaye alikuwa Mwenyekiti wa Baraza la Wazee wa CCM Mkoa wa Dodoma. Mzee Suleiman alifariki dunia hospitalini ya mkoa wa Dodoma jana tarehe 9 Februari, 2012 alikokuwa amelazwa kwa matibabu.PICHA NA IKULU

MKUU WA MKOA WA MOROGORO AKAGUA MIRADI YA MAJI NGERENGERE NA WAMI CHALINZE

2012-02-10T17:25:00.000+03:00

Mkuu wa Mkoa wa Morogoro, Joel Bendera ( wa pili kushoto) akisalimiana na Ofisa wa Jeshi la Wananchi wa Tanzania ( JWTZ) , Luteni Mwajuma Mwakipesile wa Kambi ya 515 KJ akiongozwa na Kaimu Mkuu wa Kikosi hicho, Meja Julius Makena, wakati alipotembelea kuangalia utekelezaji wa miradi ya maji kupitia awamu ya pili ya mradi wa maji Chalinze.

Meneja Mradi wa Maji wa Chalinze, Mhandisi Jeremiah Akonaay , (kushoto) akitoa ufafanuzi wa kitaalamu wa ujenzi wa matenki ya maji yatakayotumika kusukumwa na mashine kusambaza maji katika Vijiji vitano vya Ngerengere zikiwemo na Kambi tatu za Jeshi mbele ya Mkuu wa Mkoa wa Morogoro, Joel Bendera ( wapili kulia mwenye suti) juzi ( wa kwanza kulia) ni Mkuu wa Kikosi cha Anga 601 KJ Kizuka, Brigedia Jenerali Joseph Kapwani, ambaye pia ni Base Kamanda wa Vikosi Vilivyopo Ngerengere.

Mkuu wa Kikosi cha Anga 601 KJ Kizuka , Brigedia Jenerali Joseph Kapwani, ambaye pia ni Base Kamanda wa Vikosi Vilivyopo Ngerengere (aliyeinua mikono ) akimweleza jambo Mkuu wa Mkoa wa Morogoro, Joel Bendera ( mwenye suti kulia ) wakati Meneja Mradi wa Maji wa Chalinze,Mhandisi Jeremiah Akonaay , ( kushoto) akisikiliza kwa makini eneo la Ubena Zomozi , yanapojengwa matenki makubwa ya maji yanayayosukumwa na mitambo ya umeme kuekelea Vijiji vitano vya Tarafa ya Ngerengere na kambi tatu za Jeshi,kupitia Mradi wa Maji wa Chalinze.

Meneja Mradi wa Maji wa Chalinze, Mhandisi Jeremiah Akonaay ,(kushoto) akimuonesha Mkuu wa Mkoa wa Morogoro, Joel Bendera ( wapili kulia) kifaa kinachopeleka maji kwenye mitambo kutoka kwenye mto Wami , Chalinze katika kituo cha Mradi wa Maji wa Chalinze.

Baadhi ya mafundi wakiunganisha ndondo katika ujenzi wa tanki kubwa la kuhifadhi maji kwa ajili ya matumizi ya Askari wa JWTZ Kambi ya Kikosi cha Anga Kizuka na familia zao katika Tarafa ya Ngerengere,Wilayani Morogoro, kupitia mradi wa Maji wa Chalinze.Picha na John Nditi wa Globu Ya Jamii.

WASANII WAKALI KUSHIRIKI SHOO DAR LIVE JUMAPILI HII

2012-02-10T17:24:00.003+03:00

Meneja wa Kundi la TMK Wanaume Family, Said Fella akithibitisha kundi lake kutoa burudani katikia onesho hilo.

WASANII wakali wa muziki wa kizazi kipya nchini, Mwana FA, AY, Kundi la TMK Wanaume Family na Bendi ya African Stars ‘Twanga Pepeta’ kwa pamoja wanatarajiwa kuangusha bonge la shoo siku ya Jumapili hii ndani ya Ukumbi wa Dar Live jijini Dar es Salaam huko Mbagala.Akizungumza na wanahabari mchana huu, mratibu wa burudani katika ukumbi huo, Juma Mbizo, alisema maandalizi yote kuhusiana na tamasha hilo yamekamilika.

Mwana FA akielezea jinsi atakavyofanya makamuzi ya nguvu.

Ambwene Yessayah ‘AY’ akiumwagia sifa ukumbi wa Dar Live ambao baada ya kuuona aligundua kuwa una hadhi ya kimataifa.

Chegge akielezea jinsi atakavyofunika katika shoo hiyo 'bab kubwa'.

2012-02-10T17:24:00.000+03:00

RAIS KIKWETE AWASILI DODOMA LEO, AENDESHA KIKAO CHA BARAZA LA MAWAZIRI

2012-02-10T16:59:00.000+03:00

Rais Jakaya Mrisho Kikwete akipeana mikono na Mkuu wa Wilaya ya Bahi,Mh. Betty Mkwasa mara baada ya kuwasili uwanja wa ndege wa Dodoma leo

Rais Jakaya Mrisho Kikwete akiendesha kikao cha Baraza la Mawaziri ukumbi wa TAMISEMI mjini Dodoma leo.PICHA NA IKULU

Bungeni Dodoma Leo

2012-02-10T15:58:00.006+03:00

Spika wa Bunge la Jamhuri ya Muungano wa Tanzania Anne Makinda akiingia ndani ya ukumbi wa bunge leo mjini kuongoza kikao cha tisa cha mkutano wa sita wabunge ambapo bunge linahitimisha shughuli zake mjini Dodoma.

Mbunge wa Bumbuli January Makamba akiwasilisha Hoja binafsi kuhusu sheria ya udhibiti wa shughuli za upangaji nyumba za makazi aliyoitoa chini ya kanuni ya 54 (1) ya kanuni za bunge toleo la 2007 ya kuliomba bunge kuazimia kwa kauli moja ,kuitaka serikali katika mkutano ujao wa saba kuleta Muswaada wa Sheria ya kudhibiti Upangaji wa Nyumba na Makazi kufuatia malalamiko mengi kutoka kwa wananchi wanaoishi mijini kutokana na adha wanazopata katika kutafuta nyumba za kupanga au kuishi kwenye nyumba hizo.

Mbunge wa Singida mjini Mohammed Dewji akimsikiliza kwa makini Waziri wa Nchi,Ofisi ya Rais Uhusiano na Uratibu Stephen Wasira ndani ya ukumbi wa bunge leo mjini Dodoma.

Mbunge wa Same Mashariki Anna Kilango akijadili jambo na Mwanasheria mkuu wa serikali Jaji Frederick Werema ndani ya ukumbi wa Bunge leo wakati wa kipindi cha maswali na majibu mjini Dodoma.

Waziri Mkuu, Mizengo Pinda akizungumza na Wabunge wa Viti Maalum, Mary Mwanjelwa (kushoto) , Pindi Chana (wapili kulia) na Catherine Magige (kulia) kwenye viwanja vya Bunge Mjini Dodoma leo.

Waziri Mkuu, Mizengo Pinda akizungumza na Waziri wa Viwanda na Biashara, Cyrli Chami kwenye viwanja vya Bunge Mjini Dodoma leo.

Waziri wa Nchi Ofisi ya Waziri Mkuu, Bunge na Siasa, William Lukuvi akizungumza na Mbunge wa zamani wa Kasulu, Profesa Joseph Mbwiliza kwenye Ofisi za Bunge Mjini Dodoma leo. (Picha na Ofisi ya Waziri Mkuu).

Katibu Mtendaji wa jumuiya ya nchi za Maziwa Makuu aliyemaliza muda wake Balozi Liberata Mulamula (kulia) akisalimiana na kubadilishana mawazo na Spika wa Bunge la Tanzania Mhe. Anne Makinda Bungeni Dodoma leo.

Balozi Mulamula akiwa na afisa wa Bunge Bw. Prosper Minja kabla ya kuanza kwa kiako cha Kamati ya Mambo ya Nje Ulinzi na Usalama.

Balozi Mulamula (kulia) akijadili jambo na Mwenyekiti wa Kamati ya Kudumu ya Bunge ya Mambo ya Nje, Ulinzi na Usalama Mhe. Edward Lowassa (Mb) mjini Dodoma leo. Balozi Mulamula alifika Dodoma kuhudhuria kikao cha Kamati hiyo.

Spika Makinda akifurahia jambo na Mbunge wa Simanjoro Mhe. Ole Sendeka (kati) na mdau wa michezo nchini,Wakili Imani Madega.

Balozi Mulamula (kulia) akisalimiana na Katibu wa Bunge Dkt Thomas Kashililah (kushoto) leo katika viwanja vya Bunge Dodoma leo.

APPRECIATION

2012-02-10T15:19:00.000+03:00

The Family of the late John Ngahyoma of Segerea, Dar Es Salaam

wish to extend sincere appreciation for your exceptional kind of sympathy during the time of great pain and loss of our beloved one

John Wilfred Ngahyoma

who was recalled to the Lord on 30th December 2011.

It was so comforting to see you standing beside us.

Your presence, actions and kind words touched us so deeply.

We are sincerely grateful for all the generous, moral and material support that you provided to us.

Thank you for attending his funeral, it meant so much to us.

A memorial Mass will be held on Saturday, 11th February 2012, 1100hrs at Dr. Ndalama’s Residence, Kunduchi Beach (Madini).

You are all welcome.

To you Loving John: Words cannot express the pain we have! Its such a great loss to us all your wife Fortunatha Faith,Children , Nieces, Nephews,Cousins,workmates, Relatives and Friends from different corners of this living world. You are such a great man in our family, nation and the world.

Rest In Peace John!!!

Madaktari waanza tena kazi leo

2012-02-10T14:26:00.001+03:00

Baadhi ya Madaktari wa Hospitali ya Taifa ya Muhimbili wakimuhudumia mmoja wa wagonjwa waliokuwa wamelazwa katika wadi namba sita kwenye Jengo la Mwaisela kwenye hospitali hiyo.Madaktari hao ambao walikuwa kwenye mgomo kwa kipindi cha wiki mbili mfululizo,leo wameanza tena kazi mara baada ya kukutana na Waziri Mkuu,Mh. Mizengo Pinda jana na kuzungumza nae na kuafikiana kutekelezewa yale waliyoyahitaji.

Madaktari wa Muhimbili wakimfanyia matibabu mmoja wa wagonjwa waliolazwa kwenye hospitali hiyo leo.

Baadhi ya Wauguzi wa Hospitali ya Taifa ya Muhimbili wakiwa wamekaa nje ya eneo ya huduma ya matibabu ya haraka wakisubiria wagonjwa wanaoletwa hospitalini hapo kwa ajili ya matibabu.

Wauguzi wa Muhimbili wakimtoa mgonjwa MOI na kupempeleka kwenye wadi iliopo kwenye jengo la Mwaisela.

Mgonjwa alipokelewa na wauguzi wa kitengo cha Huduma ya Haraka kwenye hospitali ya Taifa Muhimbili leo.

Pamoja na Kwamba Madaktari wa Hospitali ya Taifa Muhimbili wamaliza Mgomo wao na kuanza kazi rasmi leo,wagonjwa wengi sasa hivi hawapo hospitalini hapo kama inayoonekana pichani.

Sehemu ya Kinamama wenye watoto wakiwa kwenye maeneo ya Hospitali hiyo na wamekuwa ni wenye furaha kwa kuona huduma zimerudi kama ilivyokuwa hapo awali hospitalini hapo.

MAAZIMIO YA KIKAO KATI YA WAZIRI MKUU NA MADAKTARI LEO

2012-02-09T23:42:00.000+03:00

Kamati ya muda ya kushughulikia madai ya madaktari nchini inapenda kuwajulisha madaktari wote pamoja na kada nyingine zote za afya nchini juu ya kile ambacho kimejiri katika siku ya leo ya tarehe 09.02.2012 ikiwa ni matokeo ya kikao wanataaluma wa kada za afya na Waziri Mkuu Mhe. Mizengo Pinda na baadaye kufuatiwa na kikao kati ya madaktari na kada nyingine za afya.

Ifahamike kuwa kama Kamati tulipata mwaliko wa kushiriki katika Mkutano huo ambapo ilitarajiwa kuwa Mhe, Waziri mkuu atafika kwa nia ya kutoa mrejesho wa madai ya madaktari yaliyowasilishwa mezani kwake mnamo tarehe 23.01.2012. Madai yetu yalikuwa manane na Mh Wazizri mkuu aliweza kutoa maelezo ya dai moja baada ya lingine.

Miongoni mwa madai ambayo mpaka sasa yamepatiwa majibu ya kuridhisha ni pamoja na;

Kuwawajibisha watendaji wakuu wa Wizara ya Afya na Ustawi wa Jamii, wakiwemo Katibu Mkuu Mama Blandina Nyoni , na Mganga Mkuu wa Serikali Dr. Deo Mtasiwa. Aidha Mh waziri mkuu alisema kuwa ameshalifikisha kwa Mh Rais wa Jamhuri ya Muungano wa Tanzania suala zima la kuwawajibisha watendaji wa wakuu wa kisiasa wa Wizara ya Afya na Ustawi wa Jamii ambao ni Waziri Mh Hadji Mponda na Naibu Waziri Mhe. Lucy Nkya.
Kama sehemu ya maridhiano, Mh Waziri Mkuu pia aliahidi mbele ya mkutano kuwa hakutawepo na unyanyasaji au vitisho vya aina yoyote ile kwa wale wote walioshiriki katika kushinikiza Serikali kutatua kero hizo. Aidha kama sehemu ya maridhiano, Mh waziri Mkuu pia alifuta zuio la madaktari kutokufanya mikutano. Lakini pia, Mh waziri Mkuu alisema kuwa Serikali haina kusudio la kumfukuza kazi mtumishi yeyote wa afya yule kazi aliyeshiriki katika mchakato huu wa kuishikiniza Serikali kutafuta ufumbuzi madai ya madaktari nchini.
Aidha, Mh waziri Mkuu amesema “Interns” wote waliokuwa wamehamishwa kutoka Hospitali ya Taifa ya Muhimbili wamesharudishwa bila masharti katika hospitali hiyo ili kuendelea na program kama kawaida. Hili pia linaambatana na kulipwa na kupewa stahiki zao zote.
Pia suala la madaktari na familia zao kuwa na Kadi ya Bima ya Afya ya kijani( Green Card) limekubaliwa na kwa sasa tusubiri utekelezaji.
Pia ilikubaliwa kuwa madaktari watapata fursa ya kukopeshwa magari kama watumishi wengine wa umma.

Mbali na madai hayo, pia Mh. Waziri Mkuu alitoa ufafanuzi juu ya madai yanayuhusu maslahi ya watumishi wa afya ikiwa ni pamoja na Mishahara na Posho na stahiki mbalimbali. Lakini hata, Mh waziri Mkuu hakutoa majibu ya moja kwa moja ya kiwango gani kitakachoweza kulipwa na Serikali kama mishahara, posho na stahiki mbalimbali kwa minajili kwamba bado zinafanyiwa kazi na kamati ya wataalamu aliyoiunda ili waweze kumshauri.

Aidha, Mh waziri Mkuu alisema kuwa kwa wakati huu inaweza kupandisha “on call allowances” za kada mbalimbali za afya kutoka shilingi 3,000 – 10,000/= na kufikia kati ya shilingi 5,000 hadi 25,000. Madaktari bado wanaona ongezeko hili halilingani na ukubwa wa kazi ifanywayo pindi mtumishi wa afya anapokuwa “on call” na hivyo basi kuendelea kupendekeza kuwa “on call” allowance iwe ni 10% ya mshahara wa mtumishi husika.

Pia Mhe, Waziri Mkuu hakuweza kueleza kinagaubaga mkakati kazi wa uboreshaji wa huduma za afya wapatayo wananchi wa Tanzania.

Baada ya tamko hilo la Serikali kumalizika, Mh Waziri Mkuu na ujumbe wake waliondoka, na Mkutano huo ukaendelea kwa Kamati kufanya Mkutano na madaktari wote, lengo ikiwa kujadili tamko hilo na kutoa maazimio.

Baada ya majadiliano ya muda mrefu, madaktari walikubaliana kwamba; kwa kuwa Serikali imeanza kuonyesha nia ya kutatua tatizo hili kwa kutekeleza baadhi ya maazimio yetu, wajumbe kwa niaba ya madaktari wote nchi nzima tulikubaliana na kuazimia yafuatayo;

Kurudi kazini mara moja kuanzia kesho tarehe 10.02.2012 bila masharti yeyote.
Kamati ya jumuiya ya madaktari kama sehemu ya MAT kuendelea kukaa mezani ya majadiliano na Serikali ili kuanza kupitia madai hasa yale yanayohusu maslahi.
Kukutana tena tarehe 03.03.2012 ili kupata mrejesho wa kiwango cha utekelezaji wa madai hayo kwa mujibu wa vikao vya majadiliano na makubaliano na hatimae kuchukua hatua zaidi.
Kujadili utekelezaji juu ya Kuwawajibisha Waziri na Naibu Waziri wa Afya na Ustawi na Jamii.
Mwisho kabisa Madaktari wote kwa ujumla wake walilaani na kukemea kitendo cha Jeshi la Polisi kuwakamata na kuwahoji wanaharakati wa haki za kibinaadamu na mashirika ya kijamii wakiwemo Dr. Hellen Kijo-Bisimba na Mama Ananilea Nkya na wanaharakati wengine wote waliokumbwa na kamata kamata hiyo na hivyo basi tunalitaka jeshi hilo kuwaachilia huru mara moja bila masharti yeyoye.

Pamoja Tunaweza

Imetolewa na Kamati ya muda ya kushughulikia madai ya madaktari Tanzania

Dr, Ulimboka Stephen

Mwenyekiti.

Mtoto Cesilia Edward afariki Dunia

2012-02-09T17:10:00.000+03:00

Mtoto Cesilia Edward (pichani) amefariki dunia jana saa tano usiku wa tarehe 08 katika hospitali ya Regency ya hapa jijini Dar es Salaam ambapo alikuwa amelazwa kwa siku mbili kwaajili ya matibabu

Marehemu Cesilia alikuwa na umri wa miaka 14 alikuwa na tatizo la moyo na figo kushindwa kufanya kazi na kusababisha tumbo kujaa maji na kuvimba.

aligundulika na tatizo hilo tangu alipozaliwa.

Kampuni ya Africa media Group wamiliki wa Channel ten Kupitia kipindi mimi na Tanzania ilifanikiwa kumpeleka mtoto Cesilia nchini India kwa matibabu mwaka 2011 mwezi Oktoba lakini hakufanikiwa kupata matibabu (operation) baada ya madaktari kuthibitisha kuwa alikuwa amechelewa kwa matibabu.

Cesilia alikuwa mtoto yatima na kulelewa na familia ya Bw. Peter Nyarugembe mkazi wa Mbagara kuu ambaye alikuwa akimlea baada ya kukuta akilelewa na dada yake wilayani Kisarawe na alimkuta na tatizo hilo ila kutokana na hali ya uchumi aliyo nayo hakuweza kumsaidia kupona ugonjwa alio nao na kuamua kuomba msaada kwa wasamalia wema kupitia Kipindi cha mimi na Tanzania.

Marehemu alifikishwa hospitali jumatatu ya tarehe 6 mwezi huu akiwa na hali mbaya iliopelekea kupoteza fahamu na kumbukumbu kila wakati hali iliendelea hivyo mpaka umauti ulipo mkuta.

Mungu ailaze roho ya marehemu Cesilia mahala pema peponi.

-Amen.

WILAYA YA KISHAPU YATISHA KWA UBADHIRIFU WA FEDHA ZA UMMA, CAG ABAINI UPOTEVU WA BILIONI 7

2012-02-09T16:56:00.001+03:00

Mdhibiti na Mkaguzi Mkuu wa Hesabu za Serikali Bw. Ludovick Utouh (katikati) akiwa ameambatana na wenyeviti wa kamati za kudumu za bunge akiwasilisha taarifa ya ripoti tano za kaguzi maalum kuhusu Ukaguzi wa ufanisi na Thamani ya Fedha kwa waandishi wa habari leo mjini Dodoma. Kaguzi hizo zimehusisha Ukaguzi maalum wa wilaya ya Kishapu, Usimamizi wa matengenezo ya magari ya serikali, Usambazaji wa maji mijini,ukaguzi wa mapato yatokanayo na uvunaji wa misitu na Mapato yanayokusanywa na wakala katika Halimashauri.

Mbunge wa Kigoma Kaskazini na Mwenyekiti wa Kamati ya Kudumu ya Bunge ya Mashirika ya Umma Zitto Kabwe (kushoto) akizungumza jambo na Mdhibiti na Mkaguzi Mkuu wa Hesabu za Serikali Bw. Ludovick Utouh (kulia) mara baada ya kuwasilishwa kwa ripoti maalum za Ukaguzi wa ufanisi na Thamani ya Fedha mjini Dodoma.

Baadhi ya watendaji wa Ofisi ya Mdhibiti na Mkaguzi Mkuu wa Hesabu za Serikali wakifuatilia ripoti mbalimbali zilizokuwa zikiwasilishwa na Mkaguzi Mkuu Bw. Ludovick Utouh mjini Dodoma.

Na Aron Msigwa –MAELEZO-Dodoma.

Ofisi ya Mdhibiti na Mkaguzi mkuu wa Hesabu za Serikali (CAG) imebaini ubadhirifu mkubwa wa fedha za serikali kiasi cha shilingi bilioni 7 kufuatia ukaguzi maalum uliofanyika katika Halmashauri ya wilaya ya Kishapu, mkoani Shinyanga.

Akizungumza na waandishi wa habari leo mjini Dodoma wakati wa kuwasilisha ripoti za matokeo ya kaguzi 5 za ufanisi/Thamani ya fedha Mdhibiti na Mkaguzi mkuu wa Hesabu za Serikali Bw. Rudovick Utouh akiwa ameambatana na baadhi ya wenyeviti wa kamati za kudumu za Bunge amesema kuwa Ofisi yake imebaini matukio 14 yenye jumla shilingi bilioni 7 ambayo yana kila dalili za ubadhirifu wa fedha za umma.

Bw. Utouh amefafanua kuwa ofisi yake imebaini ubadhirifu huo kufuatia uhakiki wa kina na ukusanyaji wa ushahidi kuhusiana na hati za malipo zilizokosekana wakati wa ukaguzi uliopita wa mwaka wa fedha 2009/2010 na pia kufanya mahojiano na viongozi na wahasibu ambao wanahusika na utunzaji wa nyaraka za malipo ili kubaini ukweli kuhusiana na upotevu wa hati hizo za malipo.

Amesema wataalam wa ofisi yake katika kubaini ubadhirifu huo ilipitia hati zote za malipo sanjari na kuhakiki stakabadhi za malipo ili kujua uhalali wa malipo yaliyofanywa na Halmashauri bila kuidhinishwa na mkurugenzi wa Halmashauri pamoja na kufanya mahojiano na viongozi mbalimbali wa Halmashauri hiyo ili kupata maoni yao.

Amebainisha kuwa ukaguzi huo maalum uliofanywa katika wilaya ya Kishapu ofisi yake iligundua mambo mbalimbali yaliyojitokeza yakiwemo udhaifu katika mifumo ya udhibiti wa ndani ,mabadiliko ya wakurugenzi watendaji wa Halmashauri kila baada ya muda mfupi,Mabadiliko ya mara kwa mara katika Idara ya fedha yakihusisha mweka Hazina, Udhaifu wa kitengo cha ndani cha ukaguzi kutokuwa na mkuu wa kitengo pamoja na mabadiliko katika Idara ya Mipango.

Mambo mengine ni pamoja na udhaifu katika idara mbalimbali za wilaya hiyo zikiwemo Ujenzi,Idara ya maji,kitengo cha Ugavi pamoja na udhaifu katika kitengo cha Uhasibu ambacho kiligundulika kuandika vocha na kulipa fedha taslimu bila idhini pamoja na kutumia makusanyo ya fedha kabla ya kupelekwa benki.

Pia amefafanua kuwa ofisi yake iligundua taarifa mbalimbali za kibenki zilizoghushiwa na kutumika zaidi ya shilingi milioni 200 na hundi zilizoghushiwa na kulipwa kiasi cha shilingi milioni 500 na uhamisho wa fedha toka akaunti moja kwenda nyingine bila idhini ya mkurugenzi na kutumika kinyume na malengo pamoja na uhamisho wa fedha kwenda kwenye akaunti zisizofahamika.

Bw. Utouh ameongeza kuwa kulikuwa na matumizi yaliyofanywa kinyume na malengo yaliyokusudiwa katika miradi ya maji,mfuko wa afya wa pamoja huku akifafanua kuwa ofisi yake imebaini kuwepo kwa ushirikiano kati ya watumishi wa Halmashauri na watumishi wa benki katika kufanikisha vitendo hivyo vya ubadhirifu wa fedha za halmashauri.

“Hali hii ya ushirikiano kati ya watumishi wa Halmashauri na benki umeonekana katika kaguzi zetu maalum tulizofanya huko nyuma kwenye Halmashauri za wilaya ya Kilosa na Rombo” amesema.

Kwa upande wake Mwenyekiti wa Kamati ya Kudumu ya Bunge ya Hesabu za serikali za mitaa Augustino Mrema ambaye pia ni mbunge wa Vunjo ameipongeza ofisi ya Mdhibiti na Mkaguzi Mkuu wa Hesabu za serikali kwa kubainisha ubadhirifu huo na kusisitiza kuwa kuwa matokeo hayo lazima yafanyiwe kazi na serikali.

“Naiomba serikali izifanyie kazi ripoti hizi ili ili matokeo yake yazae matunda na wahusika wote walioshiriki katika kufanya uharifu huu wakamatwe na kufikishwa mahakamani na kushughulikiwa kwa mujibu wa sheria za nchi” amesisitiza.

Naye Mwenyekiti wa kamati ya Kudumu ya Bunge ya Mashirika ya Umma Zitto Kabwe ambaye pia ni mbunge wa Kigoma Kaskazini ameipongeza ofisi ya CAG kwa kazi nzuri iliyofanyika na kuiomba ikamilishe ukaguzi wa Shirika la Usafiri Dar es Salaam (UDA).

2012-02-09T16:56:00.000+03:00

Libeneke la Mama Pipiro larudi hewani baada ya kwikwi ya siku kadhaa

2012-02-09T16:34:00.000+03:00

Habari za kazi Wadau, poleni na majukumu ya ujenzi wa Taifa.

Kufuatia tatizo la kiufundi lililojitokeza hapo nyuma blogu yako ya Mamapipiro ilishindwa kuendelea na utendaji wake, nawaomba radhi wadau wangu wote ambao mlikosa kupata matukio muhimu ya michezo na burudani kwa zaidi ya wiki moja,hivyo kwa sasa mambo yamekaa sawa hivyo endeleleeni kuperuzi blogu yenu kwa habari kem kem za michezo na burudani kupitia

www.mamapipiro.blogspot.com.

Natanguliza shukrani zangu za dhati!

Rais Kikwete akutana na Naibu wa Waziri wa Mambo ya Nje wa Marekani Johnnie Carson na ujumbe wake leo

2012-02-09T16:31:00.000+03:00

Rais Jakaya Mrisho Kikwete akiwa kwenye picha ya pamoja na Naibu Waziri wa Mambo ya Nje wa Marekani Bw. Johhnie Carlson na Ujumbe wake leo mara baada ya kuzungumza nao

Rais Jakaya Mrisho Kikwete akizungumza na Naibu Waziri wa Mambo ya Nje wa Marekani Bw. Johhnie Carlson na Balozi wa Marekani Nchini,Bw. Alfonso Lenhardt walipomtembelea Ikulu jijini Dar es salaam leo.

Ujumbe wa wafanyabiashara wa Marekani katika sekta ya nishati ukiongozwa na Naibu Waziri wa Mambo ya Nje wa Marekani anayeshughulikia masuala ya Afrika Johnnie Carson umekutana na Rais wa Jamhuri ya Muungano wa Tanzania Mheshimiwa Jakaya Mrisho Kikwete hapo Februari 9 na kuwa na majadiliano kuhusu sekta ya nishati nchini Tanzania na fursa mbalimbali za uwekezaji kwa makampuni ya nishati kutoka Marekani.

Naibu Waziri Carson na ujumbe wake waliwasili jijini Dar es Salaam hapo Februari 8 kama sehemu ya ziara ya nchi nne zikiwemo Msumbiji, Nigeria na Ghana ili kuona fursa za uwekezaji hususan katika miradi ya uzalishaji umeme. Ujumbe huu umedhaminiwa pia na Baraza la Wafanyabiashara wa Marekani kwa Afrika (The Corporate Council on Africa).

Ziara ya ujumbe huu inathibitisha dhamira ya dhati ya Serikali ya Marekani ya kuimarisha ushirikiano wa kiuchumi na kibiashara na Tanzania wakati huo huo ikitangaza fursa nyingi zilizopo hapa nchini.

Ujumbe wa Naibu Waziri Carson unajumuisha wawakilishi wa makampuni ya Anadarko Petroleum, Caterpillar, Chevron, Energy International, General Electric, Pike Enterprises, Strategic Urban Development Alliance LLC, Symbion, na Zanbato Group.

Wajumbe wengine wanaoiwakilisha Serikali ya Marekani ni pamoja na Makamu Mwenyekiti wa U.S. Export-Import Bank, Bi. Wanda Felton na viongozi wa Idara ya Rasilimali za Nishati ya Marekani.

Tarehe 9 Februari, ujumbe huu ulishiriki pia katika majadiliano na maafisa wa sekta ya Nishati wa serikali ya Tanzania na wa sekta binafsi yaliyofanyika katika hoteli ya Serena. Aidha ujumbe unatarajiwa kukutana na Waziri wa Nishati na Madini, Mheshimiwa William Mganga Ngeleja, Waziri wa Fedha Mustafa Mkulo na Mkurugenzi Mtendaji wa TANESCO William Mhando. Hapo tarehe 10 Februari, ujumbe wa Naibu Waziri Carson utatembelea Kituo cha Taifa cha Uwekezaji (TIC) ambako watakuwa na majadiliano na wawakilishi wa kituo hicho, Mamlaka ya Mapato Tanzania (TRA) na Mamlaka ya Udhibiti wa Huduma za Maji na Nishati (EWURA).

Siku hiyo hiyo ujumbe huu utashiriki katika majadiliano na chakula cha mchana na wawakilishi wa Chama cha Wafanyabiashara wa Kimarekani wafanyaobiashara hapa Tanzania (American Chamber of Commerce), Baraza la Taifa la Biashara, Shirikisho la Wenye Viwanda Tanzania, Taasisi ya Sekta Binafsi Tanzania na Shirika la Maendeleo la Taifa (NDC).

Katika hafla iliyofanyika nyumbani kwake siku hiyo ya tarehe 9 Februari, Balozi wa Marekani nchini Tanzania Alfonso E. Lenhardt alisema, "Tanzania ni nchi iliyojaliwa utajiri mkubwa wa maliasili na yenye fursa nyingi, hususan katika suala la nishati.

Huu ni wakati sasa wa kuvutia wawekezaji wa nje ili waungane na Watanzania na Makampuni ya Kimarekani yameonyesha nia thabiti ya kufanya biashara barani Afrika," alisema Balozi Lenhardt na kuongeza kuwa; "Sekta binafsi ni ufunguo wa kufungua fursa nyingi zitakazowezesha ukuaji wa uchumi wa Tanzania.

WAZIRI MKUU AKUTANA NA MADAKTARI WA MUHIMBILI LEO,AWAFUTA KAZI KATIBU MKUU WA WIZARA YA AFYA NA MGANGA MKUU WA SERIKALI

2012-02-09T16:23:00.001+03:00

Waziri Mkuu,Mh. Mizengo Pinda akizungumza leo na Madaktari kufuatia sakata la mgomo wao uliodumu kwa kipindi cha zaidi ya wiki mbili sasa wakati alipofika kwenye Hospitali ya Taifa Muhimbili jijini Dar es salaam kwa lengo la kukutana nao na kusikiliza malalamiko yao.Pia kutokana Malalamiko ya Madaktari hao ya kutokuwa na imani na Katibu Mkuu wa Wizara ya Afya,Blandina Nyoni pamoja na Mganga Mkuu wa Serikali,Dkt. Deo Mtasiwa.Waziri Mkuu,Mh. Mizengo Pinda amesema amewafuta kazi wakuu hao kuanzia leo hii kutokana na kuonekana kuwa wao ndio kiini cha mgogoro huo ambao umekuwa ukisababisha matatizo makubwa kwa taifa.Waziri Mkuu amewataka Madaktari waunde kamati maalumu ambayo itakusanya mapendekezo ya madaktari wote na kumpelekea yeye ili aweze kuyafanyia kazi,huku akiwataka Madaktari hao kurudi kazini na kuendelea na majukumu yao kama ilivyokuwa hapo awali.

Waziri Mkuu,Mizengo Pinda (katikati) akiwa na Waziri wa Nchi, Ofisi ya Rais (Memejimenti ya Utumishi wa Umma), Hawa Ghasia pamoja na Mkurugenzi Mkuu wa Hospitali ya Taifa ya Muhimbili, Dkt. Marina Njelekela wakisikiliza kwa makini malalamiko na mapendekezo yaliyokuwa yakitolewa na madaktari leo kwenye ukumbi wa Mikutano wa Hospitali ya Taifa Muhimbili leo.

Baadhi ya Madaktari wa Muhimbili wakizungumza huku umati wa madaktari wengine ukiwa umetulia kusikiliza.

Madaktari wakishangilia wakati wenzao wakitoka mapendekezo mbali mbali kwa Waziri Mkuu.

Sehemu ya Madaktari wa Hospitali ya Taifa Muhimbili wakimsikiliza Waziri Mkuu,Mh. Mizengo Pinda wakati akizungumza nao leo kwenye ukumbi wa Mikutano wa Hospitali hiyo leo.

Waziri Mkuu akiagana na baadhi ya Madaktari wa Muhimbili waliokuwa nje ya ukumbi wakati akiondoka.

Waziri Mkuu,Mh. Mizengo Pinda akijadiliana jambo na Mkuu wa Mkoa wa Dar es Salaam,Mh. Said Meck Sadick mara baada ya kuzungumza na madaktari wa Hospitali ya Taifa Muhimbili leo.

TACAIDS yaendesha semina ya siku mbili kwa waandaaji wa vipindi vya redio na tv mkoani pwani

2012-02-09T16:11:00.000+03:00

Afisa Uhusiano wa TACAIDS Grory Mzirai akitoa mada katika semina ya kuwajengea uwezo waandaji wa vipindi vya Redio na Watangazaji kwa Kanda ya Mashariki inayofanyikwa kwa siku mbili kwenye hoteli ya Kibaha Confernce Center Maili moja Mjini Kibaha.Waratibu wa Ukimwi katika mikoa ya Dar es salaam, Pwani, Lindi na Mtwara wapo kwa ajili ya kuwaelezea masuala mbalimbali washiriki wa semina hiyo, kuhusu maambukizi ya ukimwi na kupambana na janga zima la Ukimwi linalotishia jamii na nyanja mbalimbali za kiuchumi nchini Tanzania kutokana na kudhoofisha nguvu kazi ya Rasirilimali watu.Semina hiyo imeandaliwa na Taasisi ya kuzuia ukimwi TACAIDS ikishirikiana na kampuni ya Masoko Agency ya jijini Dar es salaam na tayari imeshafanyika katika kanda Kaskazini Arusha, Kanda ya Ziwa Mwanza, Kanda ya Kati Dodoma, Kanda ya Nyanda za Juu Kusini Mbeya na sasa ni Kanda ya Mashariki Mjini Kibaha

Afisa Uhamasishaji (TACAIDS),Bw. Simon Keraryo naye alizungumzia mambo kadhaa katika semina hiyo kama anavyoonekana.

Meneja Mawasiliano na Mafunzo wa kampuni ya Masoko Agency,Lugano Henry akizungumza katika semina hiyo inayofanyika kwa siku mbili katika hoteli ya Kibaha Conference Center mjini Kibaha.

Mmoja wa watoa Mada ambaye pia ni mtangazaji wa ITV Bw. Godwin Gondwe (kushoto) akiteta jambo na Meneja Mawasiliano na Mafunzo Lugano Henry.

Regina Mwalekwa Mtangazaji kutoka Redio Clouds kulia kulia akiwa pamoja na Jacqueline Chengula mtangazaji mwenzake kutoka Clouds wakiandika mambo muhimu yaliyokuwa yakijitokeza wakati watoa mada wakiendelea na mada hizo katika semina ya waandaaji wa vipindi vya redio na watangazaji mjini Kibaha.

Kutoka kulia ni Hafidh Ameir mratibu wa TACAIDS mkoa wa Pwani, Joel Mnanga Mratibu wa TACAIDS Mtwara na Afisa Uhusiano wa TACAIDS Grory Mziray wakibadilishana mawazo katika semina hiyo.

Baadhi ya washiriki wakifuatilia kwa makini masuala mbalimbali katika semina hiyo.

SAMSUNG YAZINDUA OFA MAALUM YA KIPINDI CHA VALENTINE LEO JIJINI DAR

2012-02-09T11:33:00.002+03:00

Meneja Mauzo na Usambazaji wa Samsung Mobile Tanzania,Sylvester Manyara akiongea na waandishi wa habari (hawapo pichani) wakati wa kutangaza uzinduzi wa kampeni yake kubwa ya kipindi cha Valentine ambapo wateja watakaonunua bidhaa aina ya Samsung Galaxy watapata nafasi ya kujishindia zawadi mbalimbali iliyofanyika leo kwenye hoteli ya JB Belmont jijini Dar es Salaam.Kulia ni Ofisa wa Samsung,Josheph Safari

Meneja Mauzo na Usambazaji wa Samsung Mobile Tanzania,Sylvester Manyara akionyesha moja ya simu za Samsung.

Kampuni ya SAMSUNG Tanzania leo imezindua rasmi kampeni yake kubwa ya kipindi cha Valentine ambapo wateja watakaonunua bidhaa aina ya Samsung Galaxy watapata nafasi ya kujishindia zawadi mbalimbali.

Akizungumza na waandishi wa habari jijini Dar Es Salaam, Meneja Mauzo na Usambazaji wa kitengo cha Samsung Mobile kwa Tanzania Bwana Sylvester Manyara alisema mwaka huu Samsung imeona kuna umuhimu mkubwa wa kuwazawadia wateja wake katika kipindi hiki cha kuadhimisha siku ya wapendao kwa kuwapa zawadi ambazo zinaendana na msimu huu.

Alisema maduka yanayohusika na kampeni hii ni yale tu ya mawakala wa Samsung Mobile waliothibitishwa. Wateja watakaonunua moja kati ya bidhaa za Samung Galaxy ambazo ni Galaxy Tab 10.1, Galaxy Tab 7.0 Plus, Galaxy Y Pro, na Galaxy Mini, kuanzia Ijumaa Tarehe 10/02/2012 hadi Jumapili tarehe 19/02/2012 watapata nafasi ya kuingia katika bahati nasibu itakayowawezesha kujishindia moja kati ya zawadi tatu kubwa.

Alizitaja zawadi hizo na kuongeza kwamba zote zitatoa fursa kwa mshindi kuja na mwenza wake. Mshindi wa kwanza atalipiwa gharama za usafiri na malazi kwenda Cape Town kwa mapumziko ya siku mbili, yeye na mwenza wake. Mshindi wa pili atapata nafasi na mwenza wake kutembelea mji mkongwe wa Zanzibar kwa siku mbili, gharama za usafiri na malazi zitalipiwa. Mshindi wa tatu na mwenza wake watapata zawadi ya kula chakula cha jioni katika hoteli yoyote ya hadhi ya nyota tano hapa Dar Es Salaam.

Ili kuleta haki na usawa, Droo ya kuwapata washindi hawa itashuhudiwa na kiongozi kutoka bodi ya kusimamia michezo ya kubahatisha Tanzania na itafanyika jumapili tarehe 19/02/2012 katika duka la Samsung Mlimani City. Washindi watakaopatikana watatangazwa katika vyombo vya habari, watatakiwa kupanga tarehe ya safari yao iwe siku yoyote katika kipindi cha miezi mitatu kuanzia siku watakapotangazwa.

Bwana Manyara alisema lengo kuu la kampeni hii ni kuwazawadia wateja wake ambao wanatumia bidhaa za Samsung Mobile siku hadi siku. Mbali na wateja kufurahia bidhaa hizi bora kabisa, Samsung inawajali na inaonyesha upendo wake kwao katika kipindi hiki cha maadhimisho ya siku ya wapendanao duniani, yaani Valentine Day!.

KUTOKA BUNGENI LEO: BUNGE LAAHIRISHWA LEO HUKU HOJA YA MGOMO WA MADAKTARI YAIBUKA KWA MARA YA SITA BUNGENI,SPIKA KUTOA UFAFANUZI KESHO

2012-02-08T16:05:00.000+03:00

Wabunge wa Bunge la Jamhuri ya Muungano wa Tanzania wakiwa wamesimama mara baada ya Naibu Spika wa Bunge Job Ndugay Kuahirisha kikao cha Bunge leo mjini Dodoma.Pamoja na mambo mengine yaliyojitokeza wakati wa kuahirisha kikao hicho ni hoja ya Mgomo wa madaktari ambayo iliibuliwa na mbunge wa Kigoma mjini Peter Selukamba ambaye aliitaka serikali kutoa tamko la hatma ya mgomo huo ambapo Naibu spika Job Ndugay aliwataka wabunge kuwa na subira ili Ofisi ya spika ikutane na kamati ya uongozi ya bunge ili kutoa maamuzi hapo kesho kabla ya kuahirisha mkutano huo wa sita.

Naibu Spika wa Bunge la Jamhuri ya Muungano wa Tanzania Job Ndugay akitekeleza majukumu yake wakati wa Kipindi cha maswali na majibu leo mjini Dodoma.

Waziri wa Habari, Vijana, Utamaduni na Michezo Dkt. Emmanuel Nchimbi (katikati)akifurahia jambo na Mbunge wa Mbeya mjini Joseph Mbilinyi (kulia) maarufu kwa jina la Sugu (CHADEMA) na mbunge wa Kigoma mjini Peter Selukamba (kushoto) nje ya ukumbi wa bunge mjini Dodoma.

Waziri mkuu mstaafu na mbunge wa Longido Edward Lowasa (kushoto) akijadili jambo na Waziri wa nchi Ofisi ya Rais Mahusiano na Uratibu Stephen Wasira (katikati) na mbunge wa viti maalum CHADEMA Leticia Nyerere leo mjini Dodoma.Picha na Aron Msigwa – MAELEZO.

Mshindi wa pili wa million 50 promosheni ya mzuka wa airtel asaini fomu za uthibitisho

2012-02-08T14:21:00.000+03:00

Afisa uhusiano wa Airtel Jane Matinde (kulia) akitoa maelekezo yaliyopo katika fomu ya uthibitisho wa Ushindi kwa mshindi wa shilingi milion 50 wa droo ya pili ya promotion ya Mzuka wa Airtel Bi Hadija Omary Issa kabla ya kusaini fomu hizo Jana katika ofisi za Airtel Makao Makuu . Hadija atakabithiwa pesa zake taslimu katika wiki chache zijazo.

Mshindi wa pili wa kitita cha shilingi milioni 50 wa promotion ya Mzuka wa Airtel Bi Hadija Omary Issa (kushoto) akikabidhiwa fomu ya udhibitsho wa malipo ya fedha zake na Afisa Uhusiano wa Kampuni ya Airtel Jane Matinde , baada ya kuibuka mshindi wa pili wa promotion hiyo ambayo inaendelea kwa wateja wa Kampuni ya Airtel Tanzania.Makabidhiano hayo yalifanyika jana katika ofisi kuu ya Airtel Tanzania.

SHUKRANI

2012-02-08T14:01:00.000+03:00

Marehemu Khadija Abdul - 1972 – 2012

Familia ya Ndugu Abdallah Mrisho Salawi - Meneja Mkuu wa Global Publishers Ltd, inachukua fursa hii kutoa shukrani za dhati kwa watu wote walioshiriki, kwa namna moja au nyingine, katika mazishi na maziko ya mpendwa mkewe, Khadija Abdulhussien, aliyefariki dunia usiku wa kuamkia Alhamis Feb 2, 2012, katika hospitali ya Aga Khan jijini Dar es salaam.

Shukrani za pekee ziwaendee wafanyakazi wote wa Global Publishers na hususani Mkurugenzi Mtendaji, Ndugu Eric Shigongo, ambaye alikuwa akifuatilia kwa karibu maendeleo ya afya ya marehemu tangu mwanzo na kutoa ushauri kila mara, alijitolea kwa hali na mali ili kuokoa maisha ya mpendwa wetu bila kuchoka hadi dakika ya mwisho neno la Mungu lilipotimia.

Shukrani pia ziwaendee Dk. Wayi wa Kinondoni Hospital, Dk. Hirji wa Ebrahim Hajji Hospital na Dk. Nyawawa wa Aga Khan Hospital kwa jitihadi walizozifanya za kujaribu kuokoa maisha ya Khadija.

Familia inawashukuru pia majirani, jamaa na marafiki wote wa Mrisho waliyoko nchini na nje ya nchi ambao wamekuwa wakimfariji kwa njia mbalimbali za mawasiliano na kumtia moyo katika kipindi hiki kigumu.

Familia haina cha kuwalipa zaidi ya kuwaombea kwa Mungu abariki kila jambo mnalolifanya hapa duniani na hakika mmejiwekea thawabu nyingi kwake. Kwa kuwa kila nafsi itaonja mauti, basi hatuna budi kumshukuru Mungu kwa kutimiza ahadi yake na tuseme: Yeye (khadija) ni wa Mwenyezimungu na kwake Mungu sote tutarejea!

Mungu ampumzishe Khadija katika moja ya viwanja vya peponi – Amen!

KILIMANJARO PREMIUM LAGER NA BASATA WATANGAZA WATEULE WA TUZO ZA MUZIKI TANZANIA

2012-02-08T13:53:00.000+03:00

Meneja wa Bia ya Kilimanjaro,George Kavishe akizungumza na vyombo vya habari mapema leo asubuhi wakati wa hafla fupi ya kutangaza majina ya wanamuziki watakaowania tuzo za Kilimanjaro Tanzania Music Award 2012 iliyofanyika leo jijini Dar es Salaam.

Meneja Masoko wa TBL,Mamongae Mahlare akizungumza na vyombo vya habari mapema leo asubuhi wakati wa hafla fupi ya kutangaza majina ya wanamuziki watakaowania tuzo za Kilimanjaro Tanzania Music Award 2012 iliyofanyika leo jijini Dar es Salaam.

Mratibu wa tuzo za Kilimanjaro Tanzania Music Awards ambaye pia ni mwakilishi wa Baraza la Sanaa la Taifa (BASATA),Angelo Luhala (katikati) akionyesha karatasi yenye majina ya washiriki wanaowania tuzo hizo leo jijini Dar es Salaam.Kulia ni Meneja wa Bia ya Kilimanjaro,George Kavishe na Kulia ni Afisa kutoka Kampuni ya Innovex ambao ndio wanaoandaa majina hayo ya wasanii.Yafuatayo hapo chini ni majina ya washiriki na Categories zao

Kampuni ya Bia Tanzania (TBL) kupitia bia yake ya Kilimanjaro Premium Lager kwa kushirikiana na Baraza la Sanaa Tanzania (BASATA) leo wametangaza rasmi wateule wa vinyang’anyiro 22 vya Tuzo za Muziki Tanzania (Kilimanjaro Tanzania Music Awards).

Akizungumza na waandishi wa habari jijini Dar Es Salaam leo, Meneja wa bia ya Kilimanjaro Bwana George Kavishe alisema “Academy ilikaa mwisho wa wiki iliopita na kufanya kazi ngumu na nzuri ya kuteua wasanii wa muziki waliofanya kazi nzuri na zilizopendwa na kukubalika zaidi na wengi kwa mwaka 2011”.

Mchakato wa Academy ulisimamiwa na wasimamizi wa mahesabu na utawala INNOVEX ili kuhakikisha zoezi linafanywa kwa uhuru na haki muda wote. George Kavishe aliongeza “Kama tulivoahidi mwaka juzi na mwaka jana kwamba tuzo zitaendeshwa kisasa na kitaalum ili kuzipatia haki na kutengeneza mazingira ya uwazi kwa wapenzi wa muziki nchini.

Tunaendeleza ahadi hii na ndio maana INNOVEX wameendelea kusimamia zoezi hili la Academy pamoja na kura zote kwa mwaka huu tena.” Kura za wana Academy ni siri na majibu ya wateule watano kwa kila kinyang’anyiro hubaki siri ya INNOVEX hadi kutangazwa, halikadhalika na majibu ya kura za wananchi za washindi.

Baraza la Sanaa Tanzania kupitia kwa mwakilishi wake Nd. Angelo Luhala ambaye ni mratibu wa Tuzo za Muziki Tanzania, nalo limeipongeza Academy kwa kazi nzuri kwa mara ingine na kuwasii wasanii kuyapokea matokeo na kushirikiana na waandaji katika hatua zilizobakia ili kufanikisha tuzo hizi.

Hatua zifwatazo:

1. Semina ya Wasanii:

Wasanii wateule wa tuzo mbalimbali watapata semina elekezi kuhusu tuzo hizi na kupata nafasi kuuliza maswali juu ya mchakato mzima wa kupata wateule na taratibu zitakazofwata.

2. Kura.

Kura zitapigwa kwa muda wa wiki 7 kuanzia tarehe 13/ Feb - 06/ Apr Maelekezo ya upigaji kura yatapatikana katika tovuti ya Kilimanjaro www.kilitimetz.com na mitandao mingine pamoja na kwenye matangazo ya magazeti na vipindi mbali mbali ya redio na TV.

3. Usiku wa utoaji Tuzo.

Kilimanjaro Tanzania Music Awards zatarajia kufanyika tarehe 14. Aprili. 2012 katika ukumbi wa Mlimani City. Taarifa zaidi zitafuata kupitia mitandao, redio na TV mbali mbali.

Yafuatayo hapo chini ni majina ya washiriki na Categories zao

anatafutwa na ndugu zake

2012-02-07T20:19:00.002+03:00

Binti yetu Zenna Ally Mapee mwenye umri wa miaka 22 amepotea nyumbani tangu tarehe 3/2/2012 aliaga anakwenda Mbagala na kisha kuelekea Mwananyamala kwa shangazi yake. Ni kawaida huwa anaenda na kurudi nyumbani.

Alipiga simu akitujulisha kuwa atarudi usiku kwa kuwa ilikuwa usiku kama saa mbili hivi tulimwambia alale kwa Shangazi ili arudi kesho mapema. Tulikubaliana hivyo siku ya Ijumaa tarehe 3/2/2012 asubuhi kama saa tano alikuwa bado hajarudi tukapiga simu kwa Shangazi ndipo aliposhangaa kwani hata jana yake hakuwa huko.

Tumejaribu kumtafuta kwa ndugu na jamaa bila mafanikio na kutoa taarifa vituo vya police bila mafanikio. Tunaomba mtu yoyote ambaye anataarifa za Zena awasiliane na sisi kwa simu tutazitoa hapo chini au hata kwa kupitia blog hii.

Zena kama unaona tangazo hili na kwenye vyombo vya habari popote ulipo tunakuomba urudi nyumbani Familia zote za Mzee Iddi Sungura na Familia ya Mzee Mapee wote tunakupenda, tunakujali na tunakuhitaji sana.

Namba zetu za simu kwa taarifa.

0716 696858- Shangazi Mama Hadija

0713 400363 – Kaka Madaraka

0778 612613- Mama Mdogo Masha Sungura

0715 080926- Mama Mdogo Utesi Sungura

0656 369316- Mama Mdogo Shindo Sungura

Daladalashow: Sifa za Urais 2015 kwa maoni ya wananchi

2012-02-07T20:02:00.000+03:00

Dk Shein Mgeni Rasmi Siku ya Sheria Zanzibar

2012-02-07T17:00:00.003+03:00

Rais wa Zanzibar na Mwenyekiti wa Baraza la Mapinduzi Dk. Ali Mohamed Shein,akitoa hotuba yake wakati wa sherehe za siku ya Sheria,Zanzibar,(kulia) ni Jaji Mkuu wa Zanzibar Mhe.Omar Othman Makungu,Waziri wa Katiba na Sheria Mhe.Abubakar Khamis,na Jaji Kiongozi wa Serikali ya Jamhuri ya Muungano wa Tanzania Mhe. Fakih Jundu,(kushoto) ambapo "kauli mbiu kuga vita Rushwa katika utowaji wa haki" ,sherehe hizo zilifanyika katika viwanja vya Victoria Garden Mjini Unguja.

Rais wa Zanzibar na mwenyekiti wa Baraza la Mapinduzi Dk. Ali Mohamed Shein,(wa tatu kulia) Jaji Mkuu wa Zanzibar Mhe.Omar Othman Makungu,Naibu Spika wa Baraza la Wawakilishi Mhe,Ali Abdalla Ali,(kulia) Mhe. Mkuu wa Mkoa wa Mjini Magharibi,Mhe. Abdalla Mwinyi Khamis,(kushoto)Jaji Kiongozi wa Serikali ya Jamhuri ya Muungano wa Tanzania Mhe. Fakih Jundu,na Waziri wa Katiba na Sheria Mhe.Abubakar Khamis, wakiwa wamesimama wimbo wa taifa ukipigwa na kikundi cha polisi Brass Band katika sherehe za Siku ya Sheria Zanzibar,zilizofanyika Victoria Gaden Mjini Unguja.

Mkurugenzi wa Mashtaka DPP Zanzibar Mhe.Ibrahim Mzee,akitoa hotuba yake na kumkaribisha Mwanasheria Mkuu wa Zanzibar Mhe.Othman Masoud Othman,wakati wa Sherehe za Siku ya Sheria Zanzibar,zilizofanyika katika viwanja vya Victoria Garden Mjini Unguja leo.

Baadhi ya viongozi wa Dini na Majaji wa wilaya za Unguja waliohudhuria katika sherehe za Siku ya Sheria Zanzibar,huko katika viwanja vya Victoria Garden Mjini Unguja leo,wakimsikiliza Rais wa Zanzibar na Mwenyekiti wa Baraza la Mapinduzi Dk. Ali Mohamed Shein,akitoa hutuba yake wakati wa sherehe hizo.

Baadhi ya wananchi na viongozi mbali mbali walioalikwa katika sherehe za siku ya Sheria Zanzibar,ambvapo kila ifikapo Tr 7 Feb ya kila mwaka huadhimishwa kwa kusherehekea siku hiyo,hafla ya sherehe zilizofanyika katika, katika viwanja vya Victoria Garden Mjini Unguja leo.

Rais wa Zanzibar na mwenyekiti wa Baraza la Mapinduzi Dk. Ali Mohamed Shein,(kulia) akifuatana na Jaji mkuu wa Zanzibar Mhe.Omar Othman Makungu,(katikati) na Jaji Kiongozi wa Serikali ya Jamhuri ya Muungano Mhe.Fakih Jundu,alipowasili katika viwanja vya Victoria Garden katika sherehe za siku ya Sheria,Zanzibar.

Jaji Mkuu wa Zanzibar Mhe.Omar Othman Makungu,akiongoza maandamano ya majaji na wanasheria wa serikali na wakujitegemea wakati wa Sherehe za Siku ya Sheria,ambapo kauli Mbiu ya mwaka huu "Kupiga vita rushwa katika utowaji wa haki",sherehe hizo zilifanyika katika viwanja vya Victoria Garden Mjini Unguja leo.Picha na Ramadhan Othman Ikulu.

Wawekezaji wamweleza Mh Gallawa kuwa mafundi mchundo wanaomaliza vyuo hawawezi kazi

2012-02-07T16:41:00.000+03:00

Mkuu wa Mkoa wa Tanga Luteni (mstaafu) Chiku Gallawa akitazama moja ya mifuko ya kufungashia bidhaa inayotengenezwa na kiwanda cha Pee Pee Tanzania Limited (PPTL) kilichopo Jijini Tanga, mfuko huo ni wa kiwanda cha Simba Cement cha Tanga. Wengine katika picha ni Mkurugenzi wa PPTL Bw. Jonathan Lane (kushoto kwa RC), anayemfuata ni Bw. Chetan Taishete (mdhibiti wa fedha PPTL), kulia kwa RC ni Mkuu wa wilaya ya Tanga Dkt Ibrahim Msengi na Bw. Dominick Mtemangwa Meneja wa kiwanda cha PPTL.

Mkurugenzi wa kiwanda cha kutengeneza vifungashio cha PPTL, Bw. Lane akimweleza jambo Mkuu wa mkoa wa Tanga, Mh. Chiku Gallawa alipotembelea kiwanda hicho kuona uzalishaji ambapo hapo alikuta mifuko mingi ya viwanda mbalimbali hapa nchini kama kulia mifuko ya kiwanda cha saruji Mbeya.

Mkuu wa mkoa akitembelea kiwanda cha Arthi-River kuona namna wanavyoendelea na ujenzi wa kiwanda hicho ambacho kukamilika kwake kutaufanya mkoa wa Tanga uwe na viwanda viwili vinavyozalisha saruji.

Mkuu wa mkoa wa Tanga Mh. Chiku Gallawa akiwa katika picha ya pamoja na viongozi wa kiwanda cha saruji kipya cha Arhi-River kitakachozalisha saruji chapa Rhino-Cement. Kiwanda hicho bado hakijakamilika licha ya ungozi wa kiwanda kumwahidi Rais Jakaya Kikwete alipofungua kiwanda hicho mwaka 2010 kwamba kitamalizika katika kipindi cha miezi 24 lakini hadi sasa ujenzi wake bado haujakamilika ni kiasi cha asilimia 54 kimekamilika na kinatarajiwa kukamilika mapema mwakani.

Na Mashaka Mhando,Tanga

WAWEKEZAJI wa sekta ya viwanda mkoani Tanga, wamesema kuwa wanakabiliwa na changamoto kubwa ya kukosa vijana wenye utaalamu wa kuendesha mashine mbalimbali za viwanda vyao.

Akizungumza mara baada ya mkuu wa mkoa wa Tanga, Luteni (Mstaafu) Chiku Gallawa, Mkurugenzi Mtendaji wa kiwanda cha kutengeneza vifungashio cha Pee Pee Tanzania Limited (PPTL) Bw. Jonathan Lane alisema kuwa kiwanda chao chenye wafanyakazi wapatao 1,000 wengi wao wakiwa akina mama, kimekuwa kikikabiliwa na wataalamu waendesha mitambo 'Mafundi mchundo' kutokana na kukosekana hapa nchini.

Alisema vijana wengi wanaomaliza elimu ya juu ikiwemo vyuo vikuu wanapofika kufanya usaili katika kiwanda hicho, kwanza wamekuwa na mapungufu makubwa ya lugha ya mawasiliano ikiwemo udhoefu wa kuendesha mitambo ya kiwanda hicho hivyo kushindwa kuwachukua.

"Hapa kiwanda tunakosa wataalamu kutoka hapa Tanzania, tunapowaita vijana wanaomaliza vyuo vikuu kwenye Interview (usaili) wanakuwa lugha tu inakuwa shida na jingine hawawezi kuendesha mashine hizi tunazotumia inakuwa shida kuwaajiri tuna lazimika kuchukua wataalamu kutoka nje kama Kenya," alisema Bw. Lane.

Akichangia suala hilo Meneja wa kiwanda hicho Bw. Dominick Mtemangwa alisema suala kubwa linalosababisha wahitimu wengi wa vyuo vikuu kushindwa kuwa na utaalamu wa kuendesha mashine ni kutoka na kusoma kwa nadharia tofauti na miaka yao ambayo kabla ya kwenda chuo kikuu walikuwa wakipitia katika vyuo vya FTC ambako huko hukutana na mashine mbalimbali zinazowapa urahisi wa kufanya vizuri kwenye mitihani na kivitendo

Halkadhalika Mkuu wa mkoa huyo, alipofika kutembelea kiwanda cha Arthi-River Meneja mradi wa kiwanda hicho Bw. Rajesh Vyas alisema wanatangaza nafasi za vijana wa mkoani Tanga wenye ujuzi wa kazi mablimbali katika kiwanda chao, lakini hakuna anayejitokeza na wakijitokeza wanakuwa hawana ujuzi hivyo kupata wakati mkumu wa kukamilika mapema kiwanda hicho kama walivyoaahidi.

Alisema pamoja na suala hilo tayari wamewafundiusha vijana wapatao 30 kwa fani mbalimbali katika kiwanda hicho ambacho ujenzi wake unakwenda sambasamba na kiwanda chao kingine kilichopo wilayani Mkuranga, Pwani kitakachokuwa na ukubwa sawa na cha tanga.

Akizungumza suala hilo, Mkuu wa mkoa alisema kuwa kwa mpango wa haraka atakutana na Mkuu wa chuo cha VETA mkoani hapa, kuangalia kwa haraka fani ambazo zinatolewa hapo ili kuwawezesha vijana watakaochukua mafunzo hapo waweze kupata ajira katika viwanda hivyo.

Pamoja na kueleza hayo pia, aliwapongeza viongozi wa viwanda vyote viwili kwa kutambua suala uhifadhi wa mazingira katika viwanda vyao kutokana na kemikali wanazotumia na hasa suala la uchimbaji wa mawe na hivyo mashimo yaweza kubaki yakaleta athari za kimazingira lakini kiwanda cha Arthi-River mara baada ya kuchimba mawe hayo wamekuwa wakiyatunza mashimo mengine kwa ajili ya kuhifadhi maji.

USAFIRI WA RELI YA KATI KUANZA TENA IJUMAA HII

2012-02-07T16:22:00.000+03:00

Uongozi wa Kampuni ya Reli Tanzania (TRL) unafuraha kuwatangazia kuwa huduma za safari za abiria kwenda Kigoma kutoka Dare s Salaam zitaanza tena hapo siku ya Ijumaa Februari 10, 2012 saa 11 jioni kama kawaida. Uamuzi hu umechukuliwa baada ya kuwa na uhakika eneo korofi kati ya Godegode na Gulwe mkoani Dodoma katika reli ya kati limeimarika kwa sasa.

Hivyo basi wananchi kwa ujumla wanaarifiwa kufika katika stesheni husika za reli ya kati kuanzia leo Februari 7, 2012 kukata tiketi kwa safari ya kutoka Dar hadi Kigoma moja kwa moja.

Kuanzia Januari 24, 2012 huduma hiyo ya usafiri wa treni ya abiria ilikuwa inaanzia Dodoma ambapo abiria wa kutoka Dar es Salaam na mikoa ya jirani walibidi kusafiri kwa mabasi hadi mjini Dodoma ili kuendelea na safari kwa treni hadi Kigoma.

Halikadhalika Uongozi wa TRL unawaarifu wasafiri na wananchi kwa ujumla kuwa treni ya leo Februari 07, 2012 kutoka Dodoma kwenda Kigoma imesogezwa mbele kwa siku moja hadi kesho Jumatano Februari 08, 2012 saa moja usiku. Hali hiyo imetokana na ratiba ya usafiri huo kuvurugika baada ya kutokea ajali ya treni ya mizigo katika eneo la stesheni ya Kigwe mkoani Dodoma usiku wa kuamkia Jumamosi Februari 05, 2012.

Kutokana na kazi ya kuondosha mabehewa na kukarabati njia kuchukua muda mrefu, treni ya abiria ya Jumamosi kwenda Kigoma iliahirishwa hadi usiku wa Jumapili Februari 06, 2012.

Uongozi unawashukuru abiria na wananchi kwa ujumla kwa uvumilivu wanaouonesha pindipo huduma zetu zinapokwazika kwa sababu zilizo nje ya uwezo wetu!

Imetolewa na Ofisi ya Uhusiano kwa niaba ya Kaimu Mkurugenzi Mtendaji Mhandisi K.A.M Kisamfu

Imesainiwa na:

MIDLADJY MAEZ

MENEJA UHUSIANO- TRL

DAR ES SALAAM

FEBRUARI 07, 2012

FISTULA INATIBIKA.TOA KWA MOYO KUOKOA MAISHA YA MAMA

2012-02-07T16:11:00.000+03:00

Ofisa Mkuu wa masoko na Mahusiano wa Vodacom Tanzania Mwamvita Makamba,akiimba nyimbo mbalimbali na baadhi ya akina mama wanaotibiwa ugonjwa wa Fistula katika Hospitali ya CCBR,mara baada ya kuzindua Kampeni ya MOYO,hapo juzi inayolenga kuhamasisha jamii kuchangia fedha kwa ajili ya kusaidia wanawake wenye matatizo ya ugonjwa huo hapa nchini,Kwa kuchangia kwa njia ya M-PESA tafadhali tuma kwenda namba 200500,na kwa njia ya SMS tuma ujumbe mfupi usemao MOYO kwenda namba 15599.

Mkazi wa jijini Mbeya,Stella Nzyemba,alietibiwa ugonjwa wa Fistula,akisimulia jinsi alivyokata tama ya maisha baada ya kuugua ugonjwa huo.Kwenye hafla ya uzinduzi wa kampeni ya MOYO inayolenga kuhamasisha jamii kuchangia fedha kwa ajili ya kusaidia wanawake wenye matatizo ya ugonjwa wa huo hapa nchini, Kwa kuchangia kwa njia ya M-PESA tafadhali tuma kwenda namba 200500,na kwa njia ya SMS tuma ujumbe mfupi usemao MOYO kwenda namba 15599.

Baadhi ya akina mama wanaotibiwa ugonjwa wa Fistula katika Hospitali ya CCBR,Dar es Salaam.wakiimba wakati wa uzinduzi wa kampeni ya MOYO inayolenga kuhamasisha jamii kuchangia fedha kwa ajili ya kusaidia wanawake wenye matatizo ya ugonjwa huo.Kwa kuchangia kwa njia ya M-PESA tafadhali tuma kwenda namba 200500,na kwa njia ya SMS tuma ujumbe mfupi usemao MOYO kwenda namba 15599.

Thamani ya mwana aijuae mzazi, Wote tumezaliwa na hivyo wote ni watoto. Zaidi ya wanawake 3,000 nchini hupatwa na tatizo la Fistula kila mwaka, Hii hutokea wakati wanapojifungua.

Fistula husababishwa na uchungu wa muda mrefu wakati wa kujifungua baada ya mzazi kutopatiwa huduma kwa muda muafaka kutokana na upungufu au kutokuwapo kwa vifaa vya afya. Hatimae mwanamke hupoteza kichanga chake na pia kujikuta katika hali ngumu ya kupoteza udhibiti wa haja kubwa na ndogo na hivyo kumtoka kwa mfululizo.

Vodacom Tanzania kwa kushirikiana na CCBRT mnamo Februari 5, mwaka huu

ilizindua kampeni ya umma MOYO inayolenga kuchangisha fedha kiasi cha Sh. Bilioni Moja kugharamia ujenzi wa Hospitali maalum ya afya ya uzazi na matibabu ya bila malipo kwa wanawake wanaosumbuliwa na ugonjwa wa Fistula nchini.

"Ugonjwa huu unawatesa mama zetu na dada zetu hasa wanaoishi katika mazingira duni, unawakosesha raha/amani unawasababishia unyonge wa maisha na upweke hata kunyanyapaliwa, kukimbiwa na waume ambapo ni miongoni mwa athari kadhaa za kisaikolojia.alisema"Ofisa Mkuu wa Masoko na Mahusiano wa Vodacom Bi. Mwamvita Makamba.

Vodacom tangu mwaka 2010 imekuwa ikisihirikiana na Hospitali ya CCBRT katika program ya kuwapatia fedha wanawake wenye matatizo ya Fistula kugharamia nauli za kutoka sehemu mbalimbali nchini kupitia M-PESA kuwawezesha kufika jijini Dar es salaam kupata matibabu.

Kila mmoja anayo nafasi ya kuonesha upendo na thamani kwa mama kwa kuokoa maisha yao, Taasisi za Umma na Binafsi, mtu binfasi ama shirika la kijamii changia sasa kwa njia ya M-PESA kwenda namba 200500, au na kwa njia ya SMS kwa tuma ujumbe usemao MOYO kwenda namba 15599.

Kama sio wewe basi jirani au rafiki anaweza kuwa shahidi wa jambo hili.

Rais Kikwete amuapisha Dr James Msekela kuwa balozi Italy, Ashuhudia uwekaji saini makubaliano ya ushirikiano kupambana na maharamia

2012-02-07T16:01:00.002+03:00

Rais Jakaya Kikwete akimuapisha Dkt James Msekela kuwa balozi wa Tanzania Italy leo Ikulu jijini Dar es salaam.

Rais Jakaya Kikwete akimkabidhi nyenzo za kazi Dkt James Msekela baada ya kuapishwa leo kuwa balozi wa Tanzania Italy.

Rais Jakaya Kikwete na Makamu wa Rais Dkt Gharib Mohamed Bilal na Katibu Mkuu Wizara ya Mambo ya Nje na ushirikiano wa Kimataifa Mh John Haule (kulia) na Kaimu Katibu Mkuu Kiongozi Penaeli Lyimo (kushoto) na Dkt James Msekela baada ya kuapishwa kuwa balozi wa Tanzania Italy leo Ikulu jijini Dar es salaam.

Dr James Msekela na Familia yake baada ya kuapishwa na JK kuwa balozi wa Tanzania Italy leo Ikulu jijini Dar.

Rais Jakaya Kikwete na Makamu wa Rais Dkt Mohamed Gharib Bilal wakiongea na Dr James Nsekela na Mkewe baada ya Dr Msekela kula kiapo cha kuwa balozi wa Tanzania nchini Italy leo Ikulu jijini Dar es salaam

Rais Jakaya Kikwete akiongea huku Makamu wa Rais Dkt Mohamed Ghalib Bilali na Mawaziri wa ulinzi wa Msumbiji Bw Filipe Jacinto Nyarusi (shoto), wa Tanzania Dr Hussein Mwinyi (wa pili kushoto), na wa Afrika Kusini DKT L.N. Sisulu baada ya mawaziri hao kutiliana saini ya mkataba wa makubaliano (moU) katika mapambano dhidi ya maharamia kati ya nchi zao.

Rais Jakaya Kikwete na Makamu wa Rais Dkt Mohamed Ghalib Bilali wakishuhudia Mawaziri wa ulinzi wa Msumbiji Bw Filipe Jacinto Nyarusi (shoto), wa Tanzania Dr Hussein Mwinyi (wa pili kushoto), na wa Afrika Kusini DKT L.N. Sisulu wakitiliana saini ya mkataba wa makubaliano (moU) katika mapambano dhidi ya maharamia kati ya nchi zao.

Rais Jakaya Kikwete na Makamu wa Rais Dkt Mohamed Ghalib Bilali washuhudia awaziri wa ulinzi wa Msumbiji Bw Filipe Jacinto Nyarusi (shoto)na wa Tanzania Dr Hussein Mwinyi wakibadilishana nyaraka huku wa Afrika Kusini DKT L.N. Sisulu akitazama baada ya mawaziri hao kutiliana saini ya mkataba wa makubaliano (moU) katika mapambano dhidi ya maharamia kati ya nchi zao.

Rais Jakaya Kikwete na Makamu wa Rais Dkt Mohamed Ghalib Bilali wakiwa katika picha ya pamoja na na Mawaziri wa ulinzi wa Msumbiji Bw Filipe Jacinto Nyarusi (shoto), wa Afrika Kusini DKT L.N. Sisulu na wa Tanzania Dkt Hussein Mwinyi baada ya mawaziri hao kutiliana saini ya mkataba wa makubaliano (moU) katika mapambano dhidi ya maharamia kati ya nchi zao.

Rais Jakaya Kikwete na Makamu wa Rais Dkt Mohamed Ghalib Bilali wakiongea na Mawaziri wa ulinzi wa Msumbiji Bw Filipe Jacinto Nyarusi (shoto), wa Tanzania Dr Hussein Mwinyi (wa pili kushoto), na wa Afrika Kusini DKT L.N. Sisulu baada ya mawaziri hao kutiliana saini ya mkataba wa makubaliano (moU) katika mapambano dhidi ya maharamia kati ya nchi zao.PICHA NA IKULU.

2012-02-07T01:29:00.001+03:00

CHINGA MTAANI

2012-02-07T01:28:00.000+03:00

Mmoja wa wafanya biashara za mkononi maarufu kama wamachinga akikatiza katika moja ya mitaa ya jijini dar.

Twanga Academia yaanzishwa jijini Dar

2012-02-06T17:27:00.002+03:00

Mkurugenzi wa Kampuni ya The African Stars Entertainment (ASET), Asha Baraka, akionesha vifaa vya muziki vitakavyotumiwa na Taasisi ya kuvumbua vipaji ya Twanga Academia wakati wa mkutano na waandishi wa habari jijini Dar es Salaam leo.

Mkurugenzi wa Kampuni ya The African Stars Entertainment (ASET), Asha Baraka, akionesha vifaa vya muziki vitakavyotumiwa na Taasisi ya kuvumbua vipaji vya wapigaji ala za muziki ya Twanga Academia wakati wa mkutano na waandishi wa habari jijini Dar es Salaam leo Kushoto ni Mhadhiri wa Chuo Kikuu Huria (OUT), Warren Reed.

Mkurugenzi wa Kampuni ya The African Stars Entertainment (ASET), Asha Baraka akiwa na Mwanamuziki Mkongwe nchini,Mzee Hamza Kalala.

MKURUGENZI wa Kampuni ya The African Stars Entertainment (ASET), Asha Baraka, ametangaza kutoka kivingine kwa kuanzisha Taasisi ya kuvumbua vipaji itakayokwenda kwa jina la Twanga Academia.

Akizungumza na Waandishi wa habari jijini Dar es Salaam leo, alisema kwamba, Twanga Academia tayari wamenunua vifaa vyenye thamani ya sh. milioni 100 kwa kuanzia.

Aidha, aliongeza kuwa, wamepanga kufanya usaili wa kusaka vipaji mbalimbali vya muziki, Jumapili ijayo Februari kwenye viwanja vya Leaders Club, kuanzia saa 6:00 mchana.

Asha aliongeza kuwa, usaili huo, utasimamiwa na magwiji wa muziki wa dansi, kama Hamza Kalala ‘Komandoo au Mzee wa Madongo’, Rais wa FM Academia, Nyoshi El Saadat na wengineo kadhaa, ambako watatoa fursa kwa chipukizi wanye uwezo wa kutumia ala za muziki.

“Lengo la Twanga Academia, ni kusaka vipaji vya waimbaji, pamoja na wanamuziki wenye uwezo wa kupiga ala, ambavyo vitaendelezwa kwa kupitia wakufunzi watakaowafunda mara baada ya kupatikana,” alisema Asha.

Kwa upande wake, Mkongwe Komandoo Kalala, alimpongeza Asha kwa hatua hiyo aliyofikia na kwamba, ndiye atakuwa wa kwanza kukumbuka kuvumbua vipaji vya wapigaji wa ala za muziki.

“Hiki kitu mimi nilikuwa nakizungumzia kila siku, kwani ni wanamuziki wachache sana, ambao wanajua kuimba na kutumia ala, wengi ni washika vipaza sauti tu, mambo mengine hawajui, lakini hawajachelewa wanaweza kuanza sasa, kwani elimu haina mwisho,” alisema Kalala.

Aliongeza kuwa, binafsi anamuunga mkono Asha, kutokana na kuja na wazo hilo jipya.

“Tunaliheshimu wazo lake jipya alilokuja nalo na tutaitumia nafasi hiyo, kwa kuwapa elimu wanamuziki chipukizi ili kuongeza tija kwa wapiga ala, tofauti na ilivyo hivi sasa,” alisema.

Alitoa wito kwa wazazi na walezi, kuwapa ruhusa vijana wao kwenda katika usaili siku hiyo itakapofika.

Mbali ya kusaka wanamuziki watakaomudu kupiga ala, pia watakaojitokeza watafundishwa kuimba na kucheza, ambako zoezi hilo pia linawahusu wasanii wa mikoani hivyo wajitokeze.

RAIS KIKWETE AKUTANA NA WAWAKILISHI WA WAMACHINGA MWANZA, AWAPIGA JEKI YA MILIONI 10 KAMA MTAJI WA KUKOPESHANA

2012-02-06T17:15:00.000+03:00

Rais Jakaya Mrisho Kikwete akiongea na wawakilishi wa kundi moja la wachuuzi (machinga) wa jijini Mwanza ambao leo January 6, 2012 walikwenda Ikulu ndogo ya jiji hilo na kumweleza changamoto zinazowakabiri, ikiwa ni pamoja na ukosefu wa mitaji pamoja na taaluma ya kufanyia biashara. Rais Kikwete ametoa milioni 10 kwa ajili yawamachinga hao kukopeshana mitaji.PICHA NA IKULU.

MASHINDANO YA KUCHOMA NYAMA “SAFARI LAGER NYAMA CHOMA 2012” YAZINDULIWA

2012-02-06T17:01:00.002+03:00

Meneja wa Bia ya Safari Lager,Oscer Shelikindo akiongea na waandishi wa habari (hawapo pichani) leo jijini Dar es Salaam wakati wa uzinduzi wa shindano la Safari Lager Nyama Choma ambalo linashirikisha majiko ya mabaa mbali mbali hapa nchini yanayochoma nyama.Kulia Jaji Mkuu wa Shindano hilo,Lawrence Salvi.

Jaji Mkuu wa Shindano Safari Lager Nyama Choma,Lawrence Salvi akielezea mbele ya waandishi wa habari (hawapo pichani) leo jijini Dar es Salaam namna shindano la Safari Lager Nyama Choma litakavyofanyika katika mikoa mitano hapa nchini.Katikati ni Meneja wa Bia ya Safari Lager,Oscer Shelikindo na kushoto ni Meneja Masoko wa TBL,Mamongae Mahlare.

Meneja Masoko wa TBL,Mamongae Mahlare,Meneja wa Bia ya Safari Lager,Oscer Shelikindo,Jaji Mkuu wa Shindano Safari Lager Nyama Choma,Lawrence Salvi pamoja na mpiga picha wa TBC,Jane John walila nyama choma ikiwa ni sehemu ya uzinduzi wa shindano hilo uliofanyika leo jijini Dar es Salaam.

Kampuni ya Bia Tanzania (TBL) kupitia bia yake ya Safari Lager leo imezindua rasmi yale mashindano ya aina yake na ya kuvutia ya kuchoma nyama yajulikanayo kama “Safari Lager Nyama Choma”

Mashindano haya hushirikisha majiko ya baa mbalimbali katika umahiri wa kuchoma nyama na hatimaye zawadi hutolewa kwa washindi.

Akizungumza katika uzinduzi wa mashindano ya mwaka huu, meneja wa Bia ya Safari Lager Bw. Oscar Shelukindo alisema madhumuni makubwa kwa bia ya Safari lager kuendesha mashindano haya ambayo yamekuwa kivutio kwa walaji wa nyama na watumiaji wa bia ni kuhakikisha tunaleta changamoto kwa majiko yanayochoma nyama, ili kuhakikisha walaji wanapata kile kilicho bora kabisa.

Watumiaji wa bia ya Safari Lager, hupendelea sana kuitumia huku wakisindikiza na nyama choma iliyoandaliwa vizuri, hivyo kupitia mashindano haya, bia ya Safari Lager inaendeleza utamaduni wa kunywa bia na kula nyama. Kufuatia ubora wa hali ya juu wa bia ya Safari lager, tunafurahi sana pale ambapo mnywaji atapata pia nyama iliyo bora ili mtumiaji aweze kuridhika zaidi.

Mashindano ya mwaka huu yatafanyika katika mikoa mitano ambayo ni; Dar Es Salaam, Kilimanjaro, Arusha,Mbeya.na Mwanza. Kuna ongezeko la mkoa wa Mwanza ambao mwaka juzi haukushiriki. Ni matarajio ya bia ya Safari Lager kuyapeleka mashindano haya katika mikoa yote siku za usoni.

Akitaja zawadi za washindi, Shelukindo alisema; baa itakayoshika nafasi ya kwanza itajinyakulia shilingi Milioni Moja, mshindi wa pili, Laki Nane, Mshindi wa Tatu laki Sita, Nafasi ya Nne; Laki Nne na nafasi ya Tano shilingi Laki Mbili. Zawadi hizi zimegawanywa kwa kila mkoa.

Utaratibu wa kupata baa zitakazoshiriki mashindano haya utaendeshwa kwa njia ya simu, ambapo wananchi watatakiwa kutuma ujumbe mfupi usemao “Safari kisha Mkoa uliopo ikifuatiwa na jina la Baa” kisha tuma kwenda namba 0763 514 514 Utapokea ujumbe kukuhakikishia kuwa kura yako imepokelewa.

Jopo la majaji litapitia kura zote na Baa ishirini kwa Dar Es Salaam na Kumi kwa mikoa mingine zitakazokuwa zimepata alama za juu zaidi ndizo zitakazopambana katika hatua ya pili ya tano bora ambapo majaji watazitembea tena na kutoa maksi kulingana na vigezo waliovyo navyo kasha baa hizo zitapambana katika eneo la wazi ambapo mandhari ya kula nyama na kunywa bia itakuwa imeandaliwa.

Kwa Upande wake Jaji mkuu wa Mashindano ya mwaka Douglas Sakibu akizungumzia

Vigezo vitakavyoangaliwa na majaji katika mashindano haya ni pamoja na Usafi wa eneo, vifaa na muhusika, uchaguzi wa nyama, maandalizi ya nyama, jinsi ya uchomaji, muda unaotumika, jinsi nyama inavyofikishwa kwa mlaji na Ladha. Baa zitakazofanikiwa kuingia katika kinyang’anyiro zitapewa semina elekezi juu ya vigezo hivi kabla ya mpambano.

Alisema hii ni fursa ya pekee kwa wachoma nyama na wenye mabaa kuweza kupata mafunzo yakinifu juu ya uandaaji na uchomaji wa nyama toka kwa wataalam wenye ujuzi na waliobobea kwenye taaluma hiyo ili kuweza kukuza na kuboresha biashara zao na hatimae kufikisha kwa wateja kitu kilichokuwa na ubora wa hali ya juu.

Mashindano ya Safari Nyama Choma mwaka huu yanafanyika kwa mara ya nne ambapo mwaka jana washindi wa Jiji la Dar Es Salaam walikuwa Kisuma Bar ya Temeke Mwembe Yanga,Mbeya walikuwa Mbeya Canival,Kilimanjaro walikuwa Makanyaga bar ya Soweto na Arusha walikuwa SongaMbele Bar ya Sakina.

Airtel yatoa vitabu kwa shule 4 za sekondary mkoa wa manyara

2012-02-06T16:50:00.000+03:00

Afisa Mahusiano wa kampuni ya simu za mikononi ya Airtel ,Jane Matinde akikabidhi vitabu kwa Afisa Elimu sekondari wa wilaya ya Mbulu Mikaeli Hadu ,kwa niaba ya shule nne za sekondari zilizokabidhiwa vitabu hivyo vyenye thamani ya shilingi milioni moja kwa kila shuke,shule hizo ni Yaeda Ampa, Yaeda Chii , Naberera na Merelani B.w Mkapa,Mkoani Manyara (katikati )ni Kaimu Mkurugenzi Mtendaji wa halmashauri ya Wilaya ya Mbulu Bw.Harry Sinjela.

Mwalimu mkuu wa shule ya sekondari ya Yaeda Ampa Mary Genda na wanafunzi wa shule hiyo wakipokea vitabu toka kwa Afisa uhusiano wa Airtel Jane Matinde vilivyotolewa na kampuni ya simu za mkononi ya Airtel kwa shule za sekondari nne za mkoa wa Manyara ambazo ni Yaeda Ampa, Yaeda Chii , Naberera na Merelani B.w Mkapa chini ya mpango wake wa shule yetu halfa iliyofanyika mwishoni mwa wiki hii.

Wanafunzi , walimu ,wafanyakazi wa Airtel na viongozi mbalimbali wa halmashauri ya wilaya ya mbulu mkoani Manyara wakiwa katika picha ya pamoja mara baada ya Airtel kukabithi vitabu kwa shule 4 za sekondari zilizopo mkoani hapa, kila shule imepata vitabu vya thamani ya shilling milioni moja. Walikaa kutoka kushoto ni Afisa wa uhusiano wa Airtel Jane Matinde Akifatiwa na kaimu mkurugenzi wa halmashauri ya wilaya mbulu Bwana Harry Sinjela, Afisa Elimu sekondari wa wilaya ya Mbulu Mikaeli Hadu na diwani wa kata ya Yaeda Ampa Bw Marcel Malley.

MAKAMU WA RAIS DKT. BILAL AAGANA NA BALOZI WA CHINA NCHINI ALIEMALIZA MUDA WAKE,PIA AAGANA NA MABALOZI WATANZANIA WANAOENDA NCHI ZA NJE KUFANYA KAZI

2012-02-06T16:36:00.002+03:00

Makamu wa Rais wa Jamhuri ya Muungano wa Jamhuri ya Muungano wa Tanzania, Dkt. Mohammed Gharib Bilal, akipokea zawadi ya kitabu cha China kutoka kwa Balozi wa China nchini Tanzania, Liu Xinsheng, aliyefika ofisini kwake Ikulu Dar es Salaam leo Februari 6, 2012 kwa ajili ya kumuaga baada ya kumaliza muda wake nchini.

Makamu wa Rais wa Jamhuri ya Muungano wa Tanzania, Dkt. Mohammed Gharib Bilal, akizungumza na Balozi wa China nchini Tanzania, Liu Xinsheng, aliyefika ofisini kwake Ikulu Dar es Salaam leo Februari 6, 2012 kwa ajili ya kumuaga baada ya kumaliza muda wake nchini.

Makamu wa Rais wa Jamhuri ya Muungano wa Tanzania, Dkt. Mohammed Gharib Bilal, akizungumza na baadhi ya Mabalozi wateule wanaokwenda kufanya kazi nchi za nje walizopangiwa, wakati walipofika ofisini kwake Ikulu Dar es Salaam leo Februari 6, 2012 kwa ajili ya kumuaga kabla ya kwenda kuanza majukumu yao ya kikazi katika nchi walizopangiwa.

Makamu wa Rais wa Jamhuri ya Muungano wa Tanzania, Dkt. Mohammed Gharib Bilal, akiwa katika picha ya pamoja kwa kumbukumbu na baadhi ya Mabalozi wateule baada ya kumaliza mazungumzo nao wakati walipofika ofisini kwake Ikulu jijini Dar es Salaam leo Februari 6, 2012 kwa ajili ya kumuaga kabla ya kuondoa kwenda kuanza majukumu yao ya kikazi katika nchi walizopangiwa. Picha na Muhidin Sufiani-OMR.

BARNABA KWENDA UFARANSA KUREKODI 'TUACHANE KWA WEMA' NA FALLY IPUPA

2012-02-06T16:32:00.000+03:00

Na Sufiani Mafoto Blog.

MSANII mahiri katika miondoko ya muziki wa Bongo Flava Barnara, anataraia kuondoka nchini Machi 28, mwaka huu kuelekea nchini Ufaransa kwa ajili ya kurekodi kibao chake kipya kiitwacho 'Tuachane kwa Wema, ambacho atamshirikisha mwanamuziki nyota wa muziki wa Dansi Fally Ipupa.

Akizungumza na mtandao huu wa www.sufianimafoto.blogspot.com,Barnaba, alisema kuwa maandalizi yote ya safari hiyo tayari yamekamilika na tayari amekwishapewa 'Apointment' na moja ya Studio za nchini humo tarehe ya kufika na kurekodi wimbo wake huo.

Aidha Barnaba alisema kuwa wimbo huo utakuwa ni miongoni mwa nyimbo zake zitakazokuwamo katika albam yake mpya itakayokuwa na jumla ya nyimbo 10, ambayo inatarajia kukamilika mwezi wa sita mwaka huu.

''Unajua katika ndoto zangu za kimuziki nimekuwa na ndoto siku nyingi ya kurekodi na mastaa wa ukweli Duniani, na Fally ni mwanzo tu kwani wapo wengine ambao tayari nimeshawasiliana nao pande za mamtoni ambao tayarikama watatu wamekwisha nithitishia kunipa 'shavu' katika miongoni mwa nyimbo zangu kadhaa ambazo nyingine zitakuwa ni katika albam yangu ijayo baada ya hii.

Hata Fally pia alikuwa akitamani kurekodi na mimi tangu nilipo mpagawisha katika moja ya shoo yake alipokuja nchini na kuipenda sauti yangu, kwa hiyo naye nipi ni nafasi yake pekee aliyokuwa akiitamani ambayo amefanikiwa'' alisema Barnaba Barnaba alisema kuwa mbali na wimbo huo lakini pia anatarajia kurekodi video ya wimbo huo, awapo nchini humo iwapo atafanikiwa kumaliza ndani ya muda uliopangwa na mwandaaji wake.

Alizitaja baadhi ya nyimbo zitakazokuwa katika albam hiyo kuwa ni pamoja na Gubegube,Sidhani Kama na Roho si Moyo, ambazo zote tayari zimekwisharekodiwa katika Studio za THT.